Ich ha es Inserat uf Tutti tua und wills schnell weg muss mit de Dual Funktion mit einem Knopfdruck gad au uf Ricardo ufaglada.
Super billig gsi also henn mier relativ schnell vieli gschriebe kah, was mier aber keine seit isch, dass wenn ich es uf Tutti als verkauft stelle, bliibts in Ricardo online.
Ich has am Nomitag verkauft uf Tutti und 30 minute spoeter uf Ricardo kontrolliert, und denn gsehni wies uf Ricardo vor füf minute gad au verkauft worde isch.
Ich ha bis ezz nur scheiss erfahrige mit Ricardo gmacht aber hann denkt ich probiers mitem Support.
Ich schriibe em Support und erkläre ganz normal, was passiert isch:
- Artikel uf Tutti verkauft
- Ricardo-Inserat isch no aktiv gsi
- während ich s Inserat ha welle lösche, het öpper uf Ricardo kauft
- Artikel isch jetzt weg
- ich cha de Ricardo-Verkauf schlicht nöd erfülle
Ich ha eigentlich erwartet, dass de Support seit:
„Okay, passiert. Mir storniered d Transaktion und du kriegsch e schlechti Bewertig''
Aber nei.
Nach siebe Täg chunnt e Antwort wo basically seit:
„Verkäuf uf Ricardo sind verbindlich.“
Okay, verstanda.
„Du hättsch s Inserat uf de andere Plattform sofort müesse entferne.“
Okay, au verstanda. Isch min Fehler.
„Bitte informier de Käufer und versuech mit ihm gemeinsam e Lösig z finde.“
De Käufer seit bis ezz:
„Nei, ich has kauft, ich will de Artikel.“
Und denn?
Was genau söll ich mache? De Artikel herzaubere?
Das Lustigste isch, dass Ricardo ja selber s System het, wo mer mit Dual-Funktion gleichzeitig uf Ricardo und Tutti inseriere cha. Wo überhaupt erst ermöglicht, dass so en Doppelverkauf passiert.
Ich verstoh, dass am Schluss ich verantwortlich bin, s Inserat rechtzeitig z entferne. Das will ich gar nid schönrede.
Ich weiss, ich ha de Fehler gmacht. Das isch mir bewusst.
Aber ich chann doch voneme Marktplatz erwarte, wo mitere andere Plattform verknüpft isch, dass sie mir konkret helfen, wenn genau so en Doppelverkauf passiert?
