محتاج feedback وشكرا جدا
link: https://play.google.com/store/apps/details?id=com.slingstar.slingstar

عندي فكرة غبية شوية من كام أسبوع: إيه رأيك تعمل موقع لما حد يبعت سؤال (اطلب حد يخرج، اعرض جواز، أي حاجة) وزرار "لأ" يبقى مستحيل تدوس عليه؟

طلعلي منها SnapSip — بتكتب سؤالك ("تحبي تخرجي معايا؟"، "هنتجوز؟"، أو أي حاجة)، وتختار الشكل، وتبعت اللينك. لما اللي هيستقبل يحاول يدوس "لأ"، الزرار بيهرب منه فعليًا. في الآخر مش هيلاقي قدامه غير "ايوه"، وتنفجر كونفيتي وقلوب حواليه.

اللي ركزت عليه:

من غير تسجيل، مجاني بالكامل، من غير إعلانات

بيدعم العربية بالكامل (اتجاه RTL صح 100%) وكذا لغة تانية

مشاركة بضغطة واحدة على واتساب وتليجرام، أو حتى QR كود

اتعمل أساسًا للموبايل لأن ده اللي هيفتح بيه الناس اللينك فعليًا

فكرة بسيطة وممكن تحس إنها "تفاهة" بس اللي شدني إني شفت ناس بتستخدمه في حاجات جادة زي عروض جواز وعروض شغل، مش بس مواعيد.

اللينك: snapsip.fun

حابب أسمع رأيكم بصراحة، خصوصًا في تجربة الاستخدام. ولو حد عمل حاجة شبه كده قبل كده يفيدني بأي مشاكل واجهته.

انا تانيه هندسه و حاليا متعلم C/C++ و كتبت مشاريع تقيل زي ESTER ده نظام logging مع string formating ب C يعني مش هتحتاج حاجه زي ٪d بيخليك تكتب حاجه زي كده

ESTER_LOG(logger,"my name is {}",name)

هو بيبدل {} بالي انت هتكتبه و برضه عملت jit recompiler بيحول mips32 instructions ل X86 instructions

و انا عمتا مهتم ب low level ككل بس حاليا مش عارف اعمل و مش لاقي حد نفس مهارتب يساعدني و يشجعني كل الناس بتستخدم AI و بقت حاجه تقرف قوي أنا تايه و مششت و مش عارف اعمل اي

دلوقتي انا طالب حاسبات خلصت سنة اولى وداخل على سنة تانية ومش عارف احدد اذاكر ايه او اركز على ايه

اللي مخليني محتار اني مش عايز ابدأ في حاجة وبعد فترة اكتشف انها مش مهمة او اني كان ممكن استغل الوقت ده في حاجة احسن

وفي نفس الوقت دماغي بتقولي يا اما تتعلم كل حاجة يا اما متتعلمش حاجة تقنية

طول الاجازة كنت بهرب من الموضوع ده باني اشتغل على SaaS واركز اكتر على جانب ال Product بس، تقنيا انا لسه عندي basics بسيطه فمش ابيض خالص

انا عارف ان محدش عارف المستقبل وايه اللي هيبقى obsolete وايه اللي لا بس لو حد عنده خبرة ياريت يقولي هو شايف طالب في سني المفروض يركز على ايه وايه اللي يستاهل احط فيه وقتي فعلا

انا داخل Ai في جامعة حورس و غالبا قسم cybersecurity

عندي فالبيت بيسي

i7 11th gen
Gtx 1650
16Gb ram
2tb ssd m.2

وعندي اوبشنين

A-اجيب كرت 4070 مثلا ولابتوب ويندوز ب ٢٠ الف (هشغل عليه kali linux)

B-مجيبش كرت واجيب ماكبوك بنفس البادجت او اعلى حاجة بسيطة

منحاز ل A عشان انا gamer والجامعة مش "محتاجة" لابتوب قوي ولكن لو قوي هيسهل الدنيا واللابتوب الويندوز سهل اشغل عليه kali

منحاز ل B عشان بحب ال macbooks جدا وهيكون حلو اوي بعد الكلية كمان

عيوب A- اللابتوب ممكن ميكونش افضل حاجة و ممكن يرخم عليا فالكلية

عيوب B- الماكبوك مش متوافق مع tools موجودة في linux هحتاجها

اتمنى تنصحوني و اسف عالبوست الطويل

عايز اعمل بروجيكت ف هبدأ اعمل wazuh home lab ف حد عنده اقتراحات او مساعدات يقدر يقولها و يفيدني

بفكر في مصدر دخل تاني بس مش عارف زي ايه

كنت ب freelance في الجامعة علي upwork بس لما بفتح دلوقتي مش بلاقي حاجه مناسبة. لو حد عمل كده او عنده فكرة او فرصة يا ريت يوضحلي و شكرا

أنا طول عمري كنت بحب أستخدم منتجات جوجل حتى قبل ال ai لانها كانت متكاملة و جودتها كويسة
و أنا حاليا مشترك في خطة pro و بعتمد على أدواتهم في ال ai سواء gemini كموديل أو agy ك cli assistant أو antigravity 2.0
لكن حرفيا ( على الأقل من وجهة نظري) دول أسوأ حاجات ما بين كل بدائلهم يعني نموذج جيميناي بحسه متخلف جدا خصوصا في البرمجة و لما بستخدمه يعمل حاجة معينة لكن gpt و claude أفضل منه
و كمان agy cli برضه opencode حتى احسن منه مع انه عاملينه كام مهندس

فالسؤال اللي محيرني هنا هو ازاي شركة بحجم جوجل و اللي من أوائل الناس اللي بدأت ال ai و صرفت عليه بتعمل منتجات ضعيفة جدا مقارنة بالسوق ؟

شباب أنا لسا في تجربة مع اول عميل او اتنين ليا (لسا اصلا مش مؤكدين) هيكونو عبارة عن مواقع لpet shop وواحد تاني لمطعم، انا شغال Nodejs

ازاي ادير موضوع الهوستنج يعني واستضيف على أي موقع؟ و اخد منهم قد ايه اصلا كمصاريف سنوية للإستضافة (لسا محسبتش الدومين)

والأحسم اعمل shared infrastructure في الباك إند ولا اخلي كل موقع لوحده؟ ياريت تفيدوني عشان لسا بخطط

انا مش قادر أفهم ازاي أشهر payment gateway مصرية مستواهم قذر ووراها مجموعة اغبيا بالشكل دة
أنا عندي saas وشغال كويس وقررت أضيف بوابة دفع بدل موضوع انستاباي دة عشان في عملاء كتير نبهوني ان دي حاجة مش موثوق فيها ف دوّرت لقيت الناس كلها بترشح paymob قولت خلاص أكلمهم ف عملت الأكونت وقالولي هيكلموني في خلال اسبوع
بعد شهر كامل من الانتظار والتواصل معاهم وهما كل اللي حيلتهم (صعدنا الشكوى وهنتواصل في أقرب وقت) بدأت ادور على بديل لحد ما في يوم كلموني واللي كلموني مش واحد بس لا دة اتنين والاتنين مش عارفين ان في حد تاني معايا
المهم اول موقف ز*** كان اني شرحتلهم البيزنيس بتاعي راح واحد منهم قالي النوع دة مش بيتقبل والتاني فوراً راح بعتلي العقد وقالي امضيه والدنيا هتبقى تمام
مضيت العقد وصورتله فيديو ووركفلو من اول ما يدخل البلاتفورم لحد ما يوصل لصفحة التشيك اوت بصوت وصورة وبعتله لينكات اسعار وعنوان ورقم تليفون وواتساب وسوشيال ميديا وكلهههه وبعتهوله وبعدها اللي حصل اختفااااء تاام مفيش تواصل مبيردش ولما بكلم خدمة عملاء باي موب بيقولولي هيكلمني مبيكلمنيش وقولت خلاص طز فيهم هدور على حد تاني
تاني موقف ز*** انه كلمني قالي البنك مش فاهم الفكرة
قولت مش مشكلة روحت باعتله ريكورد 5 دقايق بالتفصيل الممل وقالي هبعتهوله وقعد اسبوعين كمان مفيش تواصل وبكلمه مفيش رد
راح رجعلي بيقولي لازم الويبسايت يكون عليه العنوان ورقم التليفون (اللي هو حاجة كانت موجودة من الاول وبعتله لينكات بكل دة من قلب البلاتفورم) وقولت مش مشكلة يمكن جاموسة قومت ناقل البيانات دي للصفحة الرئيسية وقالي تمام خلاص دي كانت اخر مشكلة هيبعتها ويقولي الجديد
المهم عدى اسبوع في اتنين وهو وقتها لما كنت بسأله كان بيقولي منتظر
بعد شهر بصحى من النوم لقيته باعتلي قولت خلاص أخيراً الاكونت اتفعل لقيته باعتلي بيقولي:

لو حد عنده خبرة في الموضوع ده ياريت يفيدني:
أنا في مصر وعايز أفتح شركة أونلاين في دولة أجنبية وأفتح لها Corporate Bank Account في نفس الدولة، بحيث أقدر أدير البيزنس كله ريموتلي.
إيه أفضل دولة للموضوع ده حاليًا؟
وهل الـ US LLC فعلًا أفضل وأسهل اختيار، ولا فيه بدائل أحسن؟
يهمني أعرف تحديدًا عن:
سهولة فتح الشركة من مصر
فتح حساب بنكي/Fintech للشركة من غير إقامة
الضرائب والـ compliance
استقبال المدفوعات من Apple/Google والعملاء الدوليين
لو حد عمل ده فعليًا، ياريت يشارك تجربته.

باختصار دة prototype للعبة كنت اشتغلت عليها من فترة ووقفت بسبب شغل جديد وانشغال، دلوقتي هرجع اكملها بإذن الله بس محتاج مساعدة في جزء الux/design والart كمان

لو حد عجبته الفكرة يبعتلي، بس يفضل يكون فيه سابقة اعمال يعرف نفسه بيها

اهلا يا شباب محتاج رأي الناس اللي جربت ال Dell Precision 5550

هجيبه استيراد وعليه ضمان سنة لكن قلقان من موضوع الحرارة

استخدامي في الغالب هيكون برمجة وتصفح واستخدام عادي لكن ممكن من وقت للتاني أستخدمه استخدام تقيل أو ألعب عليه شويه

هل الحرارة والـThermal Throttling فيه مشكلة فعلا؟ وهل حصل مع حد Shutdown بسبب الحرارة والموضوع بيتكرر كتير؟ وإيه درجات الحرارة المقبولة لل CPU وال GPU تحت الضغط؟

وبشكل عام تنصحوني أجيبه ولا أبعد عنه خالص بسبب موضوع الحرارة؟

أنا عارف إن فيه بدائل ممكن تكون أعتمادية أكتر زي ال zbook لكن أنا بصراحة عاجبني شكل الـ5550 وشاشته أكتر فحابب أعرف تجاربكم معاه قبل ما أقرر

ياريت اللي معاه الجهاز يحكي تجربته خصوصا مع الاستخدام التقيل 🙏

سمعت إن فرص برمجة الويب أعلى بس بتنافسية أكثر، وفرص سوفتوير الموبايل أقل بتنافسية أقل. وبمعادلة رياضية كذا يكون فرصك في الموبايل أفضل…

أنا جديد عالمجال عمومًا ومستعد أتعلم الاثنين، وأحتاج أتعلم حاجة تعيشني بعد التخرج (بس أكره html/css شوية، البداية فيهم رخمة وما تحس إنك تتعلم برمجة، وأحب جافاسكربت عادي).

أحتاج نصيحة الناس إلي فاهمة بسوق العمل يا أصدقاء!

السلام عليكم يشباب انا مطور باك اند(معرفش اقول على نفسي كده ولا لا) كنت بءاكر نود جي اس لشهور وعملت كذا بروجيكت يعني crud و auth وكده

المهم يعني اني كنت عايز الاقي عملاء او جتى اعمب بروتوقوليو بس للأسف صعب جدا الاقي حاجة انتري ليفل او انترميديت تكون باك اند بس ، فحاولت اني ابني الباك بنفسي واخلي الAi يساعدني اني اعمل الفرونت طبعا مش بعتمد عليه كامل انا مذاكر شوية react يعني بس ااغلب بيكون من الAi و حاولت اعمله وطبعا عدلت كتير جدا وعملت تيستينح لكل حاجه

المهم يعني انا معرفش حاجة زي كده ينفع اعتمد عليها واعىرض فعلا للعميل شغلي ك full stack ولا لا؟

بالمناسبة ده موقع من اللي عملتهم هو الباك اند انا عامله كله بنفسي و الفرونت الAi عامله

https://catcare-eg.com

ويسبر لارج بيدينى نتايج مش مرضيه، جبت موديلات مصريين عاملين لها فاين تيون من ويسبر و بيزعموا معدلات ايرور قليله جدا جدا، جربتها لقيتها خربانه تمام.

جربت كوهير و هو شبه ممتاز، بس بشوف لو حد يعرف حاجه خارجه من ويسبر، هيبقى اسهل اشغلها الصراحه شويه، او لو فيه موديل كمان افضل من كوهير فى اللغه.

بتعلم سيكيورتي وبفكر أشترك في Try Hack me بس انا لسا في البداية ويدوبك لسا مخلص Networking ودخلت علي OS

فهل انصحوني أشترك عليه ولا أكمل Free وخلاص ؟

وهل هحتاجه مستقبلا ؟

قصة طويلة مضادة للعفن الدماغي والـShorts

انا Python Developer و Web Scraping Engineer

عندي ٥ سنين خبرة وغلطت كام غلطة زعلتني وقررت انصحكم محدش يغلط نفس غلطتي

بدايتي كانت Freelancer في underground Communities

يعني ايه ؟

يعني كنت بعمل Web Scraping بس بطريقة شمال ، واحد معاه داتا بيز متسربه وعايز يعمل اسكربت لموقع يجرب باسوورداتها مثلا او واحد لقى Payment gate ومعاه فيز كتير وعايز مساعدة في جزئية الـanti-bot الخ ..

كنت فرحان بالفلوس في البداية وكنت متأثر بكلام السوشيال ميديا ان الـFreelancing افضل من الوظيفة واوعى تكون موظف لانك هتكون عبد لمؤسسات ومهما اشتغلت مش هتاخد اكتر من مجهودك

كانت خطتي اني اعمل فلوس من الـFreelancing واجمع بيها راس مال واعمل start-up ويكون ابلكيشن يحل مشكلة وهوب طخ انجح وابقى غني

وزي ما انت متوقع يا صديقي ، ممشيتش معايا زي ما كنت فاكر

اولا في دخول الـAI الشغل قل فشخ ومبقاش جايب همه

وبيني وبينك كان معايا قرشين رحت قولت اما احقق اي هدف من اهداف حياتي فروحت متجوز بيهم وصرفتهم وقولت مش هعرف اعمل المبالغ اللي كنت بعملها في الاول بس كده كده اي مصلحة هتيجي بـ١٠٠ دولار يعني ٥ الاف جنية مصري يبقى فل والبيت بقى فيه أكل وشرب والدنيا مستقره

بس برضو مجاتش معايا زي ما كنت عايز وحتى ال١٠٠ دولار مبقتش تيجي

قولت بس خلاص يبقى انا ربنا بيبعدني عن الحرام ودي اشارة اني ارجع وامشي صح

وقولت لنفسي يا عم انت عندك خبرة فشيخة تقدر تشتغل بيها Freelancer على ابوورك او اي منصة تانية وعادي يا معلم هترزق

دخلت على منصات الـFreelancing ولقيت السوق بيفشخ في بعض

تلاقي مثلا واحد باكستاني او هندي بيتدعي انه بيعمل شغل advanced جداااا وتلاقيه خاسف بالسعر الارض اللي هو لو انت عبد مش هترضى تشتغل برقم زي ده ، الشغل تمنه مثلا ٢٠٠ دولار ده يقولك انا هاخد ٢٠ دولار وارجع اسجد لبقرتي والدنيا فل

ده غير ان العملاء مش هيختاروا حد معندوش تقييمات سابقة ومنصات العمل الحر نفسها لقيتها بتقولي احنا عاوزين فلوس علشان تشتغل وتاخد فلوس اللي هو ا*ـا يعني

طب خلاص يا عم فكك من العمل الحر انا هدور على شغل في شركات وابقى عبد عادي زي ما بتوع التحفيز بيقولوا بس عاوز لقمة حلال علشان بنت الناس اللي انا متجوزها والبيبي اللي جاي في السكة ده

ورينا يا عم الشركات عايزة ايه ، قالك هاتلي CV .. هاتله CV يا Claude .. انا بعرف اعمل واحد و ٢ و٣ والوصف بتاع الوظيفة انا متخصص فيه .. اتفضل يا عم الـCV .. قدمت في ٢٤ شركة .. اكيد هشتغل .. ايه ده يا عم Claude ده انا محدش بعتلي ميل شتمني حتى .. قالك لاااا يا معلم ده انت محتاج مشاريع Open-source ومحتاج تنشر مقالات عن شغلك ومحتاج تسوق لنفسك على LinkedIn وبعد كده ممكن .. ممكن مش اكيد .. حد يعبرك

كملت دردشة مع Claude و GPT .. عشان اشوف الكلام ده ابدأ فيه ازاي .. وقولت بص والله انا عندي كام تول كده كنت عاملهم بشتغل بيهم ممكن انشرهم على GitHub لأن محدش كان حالل المشاكل دي قابلي وكان عندي ثغرة كده مركونة في شركة Samsung بـImpact low اما اخش ابلغها واكتب عنها مقال ويبقى كده انا عندي مشاريع ومقالات يقدر اي حد يشوفها .. يلا بينا يا عم GPT انت و Claude اعملولي Deep Search عن الوظايف .. بعد بحث عميق قالك والله بص مجالك ده مش مطلوب في الشرق الأوسط وافريقيا اصلا ولكن برا مصر بيدوله قيمة كبير جدا وراح رازعني ارقام تجيب صداع كده .. قالك ٥ الاف دولار في الشهر و ٧ الاف وهوب هوب هوب ده انا شكلي هروح اعيش في فيلا قسط في التجمع خلاص ومش هقفل السكة في وش بتوع الريل ستيت اللي بيرنوا عليا يعرضوا وحدات وانا مش لاقي .. ابعتلي يا باشا ايميلات واعملي CV مخصص لكل شغلانة واديني في الاوتوميشن ودلعني

هوب جالي رد من شركة في بريطانيا .. يا دين امي مش بعرف ارطن انجليزي .. اما اخش على ديسكورد والاقي سيرفر امارس فيه (الانجليزي) .. هوب لساني خد ع اللغة وبعرف اتكلم "شوية" .. هوب عديت اول انترفيو .. في التاني .. في التيكنكال .. مبروك خد ده اوفر بـ٥ الاف استرليني في الشهر (مرتب جونيور) يا عم انا جونيور عـ*ص .. موافق طبعا .. طيب تمام هتبدأ الاسبوع الجاي .. طبعا انا عيطت .. والمدام عيطت .. وامي سجدت شكر لله .. وخلاص قولت الحمد لله زي الفل كده وصبرت ونولت .. يلا بينا نظبط اوراقنا .. شهادة تخرجك فين؟ .. انا خريج حقوق حضرتك .. ماشي هاتها برضو .. طبعا انا كنت بقول مش محتاج شغل عند حد .. ف كان عليا مادتين اسمهم مواد تكميلية في الكلية مكنتش خلصتهم علشان اطلع الشهادة ولذلك اعتذرت عن قصة الشهادة .. قالي طيب ماشي بعدين موضوع الشهادة .. أكد هويتك .. حاضر .. انا بطاقتي السيستم مش راضي يقبلها طيب .. هات باسبور .. طب اديني يومين بس اطلع الباسبور واجيلك .. خد راحتك .. روحت الجوازات قالك فين شهادة الجيش .. يا عم يهديك يرضيك انا وحيد ابويا وامي .. قالك روح هات اعفاء .. ماشي نجيبلك اعفاء .. طلعت اخر بلاد المسلمين مكتب تجنيد الهايكستب صحراء جرداء والجو حر فشششششخ ومش لاقي حتى كشك اجيب منه مايه .. وقفت في الطابور "أطول من برج خليفة" .. واخيرا دوري جيه .. الموظف بص في ورقي لمدة ١٠ ثواني قالي لا ده انت مش هنا انت تروح مكتب تجنيد الجيزة تشوف حد ينيـ** .. حاضر يا محترم متشكرين .. مشوار ٥٠ كيلو تاني .. نخش مكتب تجنيد الجيزة قالتلي هتاخد الشهادة خلال اسبوع .. ارجوكي يا مدام عفت ده انا عاوزها في اقرب وقت .. قالتلي هنعمل ايه ده احنا هنستني تحريات من سجل المدني اللي في العباسية عشان نتأكد ان اثبات القيد بتاعك ده مش مضروب لو تعرف حد هناك خليه يستعجل الرد .. روحت فضلت اكلم كل رقم تليفون اعرفه القريب والبعيد لحد ما ربنا رزقني بحد واستعجلهولي .. روحتلها بعد يومين (اجازة رسمية) .. هااا؟ قالتلي وصلت .. طب الحمد لله هاتيها بقى .. لا روح شباك ١٣ .. وصلت شباك ١٣ لقيت شباب مصر كلها جاية في نفس اليوم تقريبا وزحمة في درجة حرارة تتخطى ال٣٥ مع مزيج روائح محبش اوصفها .. مين اخر واحد يا رنجالة .. هانت قدامي ٦٣ واحد بس .. كانت الساعة ١١ استلمت الاعفاء اخيرا الساعة ٤ العصر .. جري ع الجوازات .. عاوز اقدم على باسبور مستعجل .. يبني البطاقة مكتوب فيها طالب روح غيرها عشان شكلها يبقى حلو في الباسبور .. ياااا عم انا بحب ابان عر* خلصني ارجوك .. المستعجل بتستلمه في نفس اليوم .. حلو .. لا بس انت مقدم الساعة ٤ هتستلمه بكرة الضهر .. يمين شمال بحاول الاقي اي واسطة .. لحد لما لقيت حد كلملي حد وبرضو معرفتش استلمه في نفس اليوم .. رجعت البيت رديت ع الراجل قولتله ان الورق متأخر وانا اسف و و الخ .. روحت تاني يوم الضهر .. قالك اه موجود لحظة واحدة .. قبل ما تستلم بس روح الدور الارضي .. ليه في حاجة ولا ايه؟ .. اسألهم .. واحد في الخلفية قالي عليك قضية .. وات؟؟؟ .. كلمت الحد اللي كلملي حد وحكيتله .. قالي متنزلش دلوقتي استنى هشوف .. قالك يا عم كويس انك منزلتش دي قضية تشابه اسماء وعدى عليها مدة الانقضاء ولو كنت نزلت كان هيتقبض عليك لحد ما تخص ورقها .. ايه العبث ده؟ .. قالي هبعتلك بياناتها روح امسحها .. روحت المحكمة .. استنى في الدور .. ٥ ساعات .. مبروك شهادة من واقع الجدول ان القضية انتهت .. يلا بينا بقى استلم الباسبور .. جري ع الجوازات اتفضل يا عم دي الورقة انها انتهت .. مبروك اتفضل الجواز .. مستنيتش اروح وروحت مأكد هويتي وانا في الشارع بالباسبور ..

اخر اليوم جالي الرد .. عاوزين تأكيد بس للـRefrences .. وتطلع اي دي كمان يا GPT .. قالك دول عاوزينك تقولهم على عملاء انت اشتغلت معاهم وكمان طالبين دكتور من الكلية بتاعتك يقول انه يعرفك وان اخلاقك كويسة وبيقولك كمان معلش احنا مذكرناش الجزئية دي قبل كده .. يعني يسطا سكة ودوغري شكوا فيك لانك مش جاهز بمعلوماتك فقرروا يتأكدوا بشكل اوسع من الأول .. روحت جايب شباب من لينكدان يقولوا انهم اشتغلوا معايا والرجالة محدش قصر ووقفوا جنبي وهما ميعرفونيش حتى .. المدام كانت زميلتي في الكلية وكانت دحيحة كلمتلي دكتور والراجل رحب ودخل شهد في صالحي .. نشتغل بقى .. قالك لأ انا عاوز اكلم الناس فيديو كول .. طب يا رجالة ويا دكتور الراجل هيكلمكم فيديو كول بعد اذنكم .. وفي النهاية جالي الرد ..

احنا بنسحب الاوفر .. اتدمرت نفسيا ساعتها .. رسمت احلام .. وخلاص على وشك اعيش الحياة اللي نفسي فيها وكل حاجة راحت قبل معاد استلام الشغل بيومين بس .. قولت يا عم طالما وصلت في شركة هتوصل في شركات تانية .. كملت تقديم على شغل .. ويجيلي انترفيو ونخش نتكلم وبعدها محدش يكلمني تاني .. GPT و Claude بيقولوا غالبا علشان مفيش خبرة سابقة للشغل في شركات او الاولوية للناس اللي من نفس البلد .. طب اشوف بلدي هنا .. قالك دول بيتعاملوا مع خبرتك كخبرة جانبية مع الـBackend ، اتعلم Backend وفرصتك هتبقى احسن في مصر وبرا مصر .. اتعلمت باك .. هااا؟ .. قالك سوق بقى لنفسك على لينكدان وابعت لناس كتير وكده .. وبسبب خبرتي في الاتوتميشن عملت بوت وربطته بـLocal LLM وبقيت اخليه يتفاعل مع البوستات بشكل كويس وفعلا كبرت لينكدان شوية من صفر لحد ما وصل ٥٠٠ متابع في اقل من شهر او شهر ونص .. كلمني CEO لشركة من احدى الدول العربية الشقيقة وعرض عليا تاسك المفروض انه ب٤٠٠ دولار ولكن هو عرض ٢٠٠ دولار بس .. قولت يا عم حلو انت لاقي حد ينيـ** .. موافق يا عم ومع كلمتين اني مش هتكلم معاك في فلوس لاني باصص على لونج تيرم ومش عارف ايه بحيث اكسب الراجل في صفي ويفضل معايا لقدام .. خلصنا التاسك ومن ساعتها الدنيا ناشفه بقى ..

الوضع في النازل والفلوس بتخلص .. لحد ما قولت ما بدهاش بقى .. اديني في الكول سنتر والعبودية .. روحت ناطط في انترفيو كول سنتر انجلش .. انا تعليم مجاني ومش بعرف افكر بالانجلش .. ٣ انترفيوهات كلهم رفض .. روحت قولت مبدهاش بقى .. اديني في الكول سنتر العربي .. وحاليا انا بتدرب عشان اشتغل كول سنتر في شركة وي .. وربنا يديم الحلال يا رنجالة

الدروس المستفادة :

لو لسه متعلمتش من القصة دي ف انت شكلك محتاج تشتغل كول سنتر ضروري

لو حد حابب يكون سبب انه ينقذني .. ريكومنديشن او ريفرال اي حاجة بتقول ألو ، ده البورتفوليو فيه تاريخ حياتي

https://kareemheshaam.github.io

ليه ميكونش فيه حد عامل رود ماب لاول سنتين اللي هما ما قبل التخصص عشان يعرف الواحد المفروض يكون أنجز ايه ف اول سنتين ليه قبل التخصص لو في حاجة زي كده ياريت يعني .

سمعتوا عن موضوع ال data center الي الصين هتبنيه؟؟

هل تفتكروا ان الموضوع ده هيشغل السوق شويه وهيبقي في وظايف اكتر فمجال ال AI وال data analysis والمجالات دي هتبدا فعلا تتعرف