r/LGBTEgypt • u/Fabulous-Ad-8294 • 1h ago
r/LGBTEgypt • u/WitnessMyAxe • Apr 25 '26
Rant | متضايق How not to be a fucking asshole OR ازاي تسأل وتتعلم وتعبر عن نفسك من غير ما تهين غيرك
صباح/مساء الزفت
البوست دا رد على البوست بتاع "جاي بس هوموفوبيك" عشان ملحقتش ارد عليه قبل ما المودظ يقفلوه (انا مبحبش اعمل بوستات وخصوصا بوستات ليها علاقه ب"دراما")
خلينا نفترض انك شخص جاهل متعرفش اي حاجه عن اي حاجه خالص بس حابب تتعلم او تشارك رأيك او تسأل سؤال بهدف إثارة الجدل
انا مش كاتب البوست دا عشان اهاجم صاحب البوست التاني. انا كاتبه عشان قريت بوست غيره في صب تاني من شويه وحسيت بإحساس غريب... حسيت اني اتخنقت من التعب وفقدت الأمل في مصر وشعبها العظيم (تحيا مصر). زهقت من كتر تكرار نوعية الكلام دا وحسيت ان الناس اللي بتسأل الأسئله دي ممكن يكون عندها هدف تاني غير العلم
طبعا في فرق بين انك تسأل عادي بهدف الاستفسار وأنك "تسأل" بهدف التقليل والسخريه من غيرك
في ناس بتقول "مش فاهم" وهي فعلا مش فاهمه بس في ناس بتقول "مش فاهم" كرخصه للإهانه وهما فاهمين كويس
بس بيقولو "انا صح وانتو غلط" مثلا
البوستات اللي برد عليهم حسيت ان كان فيهم النوعيتين ويمكن دا اللي صعب الموضوع وخلى باقي الناس اللي عندها فعلا حاجه مفيده تقولها تتجنب البوستات دي لأنهم حسو بالأذيه من مجرد قرائتهم للكلام وطريقة صياغة "الأسئله" البايخه اللي صاحبها كان ممكن يجاوب عليها في دقيقتين من على جوجل
خلونا بقا نجاوب على "الأسئله" بتاعت الإخوه الأعزاء في الكام نقطه الجايين وبعدين هنشوف عندي حاجه تانيه اقولها ولا لا
النقطه رقم واحد: "انا مش فاهم" مش عذر للوقاحه
مش لازم تفهم عشان تكون محترم وتتفهم الألم اللي طريقة كلامك وكلام غيرك بيسببوه للناس اللي بتتكلم عليهم
مش لازم تفهم كل التاريخ الجنسي والنفسي والاجتماعي ورا تجربة اخواتنا الترانس عشان متستخدمش كلمات بتأذيهم زي ما مش لازم تفهم اضطراب ما بعد الصدمه عشان متزعقش لحد بيعاني منه (جبت الإسم العربي من جوجل عشان لو كتبت انجلش هيبوظ كسم ال فورمات بتاع البوست) (يلعن كسم ريديت)
النقطه رقم اتنين: إسم ميت =/= إسم قديم
عارف ان من برا كشخص مش ترانس ممكن ان الإسم الميت ممكن يبان كأنه مجرد إسم قديم الشخص دا كان بيستعمله فتره وبعدين غير إسمه زي ما ناس كتير مش ترانس بتغير إسمها... بس الموضوع مختلف تماما
الإسم الميت بيكون مربوط بسنين طويله من انك تحس ان العالم كله شايفك غلط وانك تصحى كل يوم تحس ان في واحد تاني عايش في جسمك... وتسمع الإسم دا من الناس بس تحس انك مش موجود لأنه مبيوصفكش انت... بيوصف النسخه الخارجيه اللي العالم شايفها
لما تقول "مش فاهم ليه الموضوع دا كبير" كدا مبتقولش انك مجرد مش فاهم. بتقول ان الوجع والمعاناه اللي بيحسو بيها مش منطقي او سخيف بالنسبالك
لما قريت البوست الأساسي من يومين الجزء دا (مع النقطه الجايه) استفزني بجد وكنت عايز ارد عليه بس للأسف اتشغلت في حاجات تانيه
النقطه رقم تلاته: هي ست بجد؟
برضو نرجع لأهمية طريقة صياغة السؤال لأن انا اصلا مش شايف ان دا سؤال بجد
دا تشكيك في هوية الآخر مغلف بعلامة استفهام ودي للأسف نفس الطريقه اللي بعض البهايم الجاهلين بيستخدموها للتقليل من الناس الترانس (وخصوصا البنات الترانس عشان عاملينلهم عقده)
في فرق بين انك تسأل ازاي عرفتو انكو ترانس او بتحسو بأيه او ايه العلاقه بين الجندر والجسم او الميول او الجنس او ايا كان... كدا انت بتسأل بدافع الفضول او بهدف التعلم
اما "هي ست بجد؟" دا واضح انه رفض او زي ما بيسموه اخواتنا المسلمين "استفهام استنكاري" او سؤال
بلاغي هدفه الإستنكار
لو حد جه سألك "انت إنسان بجد؟" هتحس بأيه؟ انا شخصيا هحس انه بيستظرف وهتف في وشه
النقطه رقم اربعه: هل كلمة شاظ "مجرد وصف"؟
الكلمه اكبر من مجرد معناها (زي باقي الكلمات)... انا شخصيا معنديش مشكله مع الكلمه لأن محدش استخدمها ضدي بهدف الإهانه او التقليل وانا صغنن
فاهم ان ممكن يكون قصدك توحيد الكوميونيتي او استرجاع او تطبيع الكلمه زي ما الكوميونيتي الغربي عمل مع كلمات كتير
بس الكلمه دي استخدمت لتجريم ناس كتير جدا وسجنهم وتعذيبهم وإهانتهم وحتى قتلهم.... ولسه بتستخدم في الاحكام القضائيه وفي التحرش وفي الأذى والإهانه والشتايم
كون الكلمه مبتأثرش فيك (وفيا) دا "امتياز" عن باقي الكوميونيتي عشان بيسمحلنا اننا نعرف نتجاهل تاريخ الكلمه لأنه مش تاريخنا احنا شخصيا... بس التاريخ موجود سواء حسينا بيه او لأ
النقطه رقم خمسه: ليه بعض التفضيلات الشخصيه بتأذي او بتزعل اخواتنا الترانس؟
الموضوع دا كبير وطويل وعريض ومظنش ان ليا حق اتكلم فيه اصلا بس عندي شوية كلام عايز اقوله كدا كدا عشان انا بجح ورخم
في فرق بين انك تقول "انا شخصيا مبتجذبش للبنات او الولاد الترانس حاليا" (عادي) وانك تقول "مش عايز بنات او ولاد ترانس لمجرد كونهم ترانس" وخلاص من غير ما تعرفهم ومن غير ما تجرب تتعرف عليهم او ترتبط بيهم ك فئه من البنات او الولاد... مجرد كونهم ترانس بيخرجهم برا نطاق العلاقات بالنسبالك (دا ممكن يدل على او يدي انطباع انك مش شايف البنات دول كبنات فعلا او الولاد دول كولاد فعلا... نقول تاني طريقة الكلام بتفرق) كأنك مثلا بتقول انا مش عايز ارتبط ببنت بشرتها سمرا لمجرد كونها سمرا
طريقة صياغة الكلام في الجمله التانيه ممكن يكون فيه ترانسفوبيا محتاج يتفكر فيه (النقاش دا ليه موضعه وناسه انا بس حبيت اذكره عشان لو حد عايز يدور اكتر ويسمع من ناس ترانس) بس اظن ان كلنا ممكن نفهم ان سماعك ان مجرد كونك ترانس بيخليك غير مرغوب بيزعلك جامد وممكن يسببك ألم ومشاكل كتير لمده طويله
انا كدا خلصت النقط الأساسيه اللي كنت عايز اتكلم عنها بس لسه عايز اتكلم عن هدف البوست دا وهو ازاي تكون فضولي او تسأل من غير ما الناس تسبلك الدين والمله
ناس كتير بتسأل بنيه كويسه وبتسبب أذى لغيرها بدون قصد وناس تانيه بتخاف تسأل خالص عشان خايفين يغلطو في غيرهم... الانين دول محتاجين تغيير
قبل ما تسأل على ريديت ابدأ بجوجل او حتى اي بوت
لو سؤالك عام "ايه الفرق بين الجندر والجنس" او "يعني ايه جندر ديسفوريا" اكتبه على جوجل وهيساعدك بس خلي بالك من المواقع بتاعت اليمين المتطرف
خلي في بالك ان لما تيجي تسأل حد ترانس الأسئله دي انت كدا بتطلب منه يبرر وجوده او يشرحلك حياته من الاول ودا مجهود كبير يتطلب من شخص غريب
لما تسأل حد هنا اسأل عن التجربات الفرديه والمجتمعيه متسألش عن حقايق "بتحس بأيه او ازاي" مش "هل انت فعلا كذا"
لأن نوعية السؤال التاني بيقول انك مستنكر وبتتهمهم بالخداع
لو حد قالك ان سؤالك بيأذيهم اسكت واعتذر او اسأل في مكان تاني او وقت تاني لأنك مش لازم تفهم ومش لازم توافق.... فضولك كويس بس دا مسؤوليتك انت. محدش مطلوب منه يفهمك
متقولش "مش قصدي ازعل حد" وخلاص... لو ماشي في الشارع ودوست على رجل حد وقولتله "مش قصدي" من غير ما تشيل رجلك هيشتمك وممكن يمسك فيك كمان
تقبل ان في حجات مش من حقك تعرفها او تسأل عنها.... اسئله عن اجسام الناس وعن تاريخهم الطبي وعن تجاربهم الشخصيه و و و و ... مش من حقك تعرفها حتى بدافع الفضول (الفضول مبيديش حق الوصول)
الفرق بين الجاهل المحترم والجاهل البضان ان لما حد يقول للجاهل البضان "كلامك بيزعلني" بيقوله "انتو حساسين كدا ليه؟"
وأخيرا... لو وصلت للآخر وانت زعلان من طريقة كلامي... انا بس حبيت اقول ان الكلمات ليها تاريخ وتأثير بيتعدى نياتنا وأن ممكن تسأل وتتعلم وتعبر عن رأيك (من غير ما تنكر الواقع والعلم) من غير ما تأذي غيرك
والسلام عليكم ورحمة المودز وبركاتهم
r/LGBTEgypt • u/Internal_Proof_8423 • 1h ago
Meme | ميم Good morning y'all
How is your morning waking up so early is just exhausting 😴
r/LGBTEgypt • u/Body_Electric25 • 5h ago
Discussion | مناقشة Being queer in small cities
I feel like we don't talk enough about queer people from relatively small cities like most people here from either Cairo or Alexandria so I wanted us to share our experiences as small cities/towns queers.
For me I'm from Damietta and it's genuinely so hard finding queer people who don't just wanna have sex or center their whole personality around being gay or bi or whatever.
r/LGBTEgypt • u/Junior_Proof_8311 • 19h ago
Meme | ميم تم اتهامي بالمثلية عشان كنت برسم في البيت😞🥀
المشكلة مكنتش حاجه سكشوال ولا كوير و اصلا ملحقتش ارسم اي ملامح توحي باني برسم ايه🥀
r/LGBTEgypt • u/Serious-Traffic-7625 • 5h ago
Rant | متضايق قادرين تعيشوا ازاي
انا تعبت من الخرا اللي بشوفه كل يوم من الناس اللي حواليا
r/LGBTEgypt • u/fnnxd • 18h ago
Rant | متضايق I can't keep living like this
I had the house all to myself for four days, For those four days, I got to do everything I wanted I could wear whatever I wanted, do my makeup, take pictures, and just be myself, I swear I was the happiest I’ve ever felt wallahi, I was so so so so so so so so so so happyyyyyyyyyyy
I was so happy I wished time would stop
Now my family is back, and it’s only been one day but I already miss those days so much
I wish I could go back, even just for a little while
I wish I could be a girl and I can't I know but I can't live like this either
I wish I had never been born
r/LGBTEgypt • u/Mountain_Basis_9676 • 20h ago
Question | سؤال اغرب سؤال ممكن تسمعه في حياتك
هل عادي يكون عندي شعور امومه وانا تقريبا ولد ؟
أنا عندي شعور امومه كبير جدا ( مش مامي) مش عارف اشرح المصطلح اوي لكن هحاول
بحب مثلا اخد بالي من البارتنر بتاعي اهتم بيه زياده عن اللزوم اكلت شربت احكيلي يومك و كمان عندي شغف في تربيه الاطفال بشكل عام و دا من أهداف حياتي سواء تبنيت أو لا عاوز اهتم بشريكي و اطبخله أو اهتم بيه زياده عن اللزوم و بغار اوفر و كمان عندي مشكله في هرموناتي ( موضوع غريب و مضحك)
يمكن بسب مشاعر زي دي عمري ما فهمت نفسي ولا عرفت اتاقلم اوي وسط الاولاد و برتاح وسط البنات اكتر و دا موضوع من الطفوله كنت باخد بالي من الأطفال الي كانوا معايا و كنت بهتم لاخويا الصغير كاني أمه
أنا مش عارف اوصل الشعور اوي بس اتمنى تكونوا فاهمينه أنا عمري ما شفت نفسي كدور اب بالعكس برتاح في الامومه أكثر بكثير
r/LGBTEgypt • u/AutoModerator • 10h ago
Information | معلومة مقالات عن الهوية الچندرية ممكن تساعدكم
Existence precedes essence: how I know that I am definitely transgender
Sonja’s Guide to Gender Questioning
Welcome to Trans Summer School!
Transgender Map by Andrea James
How Do I Know If I'm Transfeminine?
“That was dysphoria?” 8 signs and symptoms of indirect gender dysphoria
ابعتولنا المقالات اللى حابين نضيفها ونزودها هنا
r/LGBTEgypt • u/Leading-Animator-863 • 11h ago
Question | سؤال بميل اني ابقا بنت
الفتره دي بقيت بحس اني عايز ابقا بنت مع اني ولد استريت و الشعور ده اتكرر كتير و مش عارف المفروض اعمله ايه بجد
r/LGBTEgypt • u/as4hvip • 14h ago
Rant | متضايق تعبت خلاص
انا اسف على إلى هقوله بس الواحد تعبان اوى بجد وحاسس انى خلاص مش قادر حاسس باكتئاب شديد ومش قادر وحاسس بوحده اوى
r/LGBTEgypt • u/xqcow67 • 23h ago
Rant | متضايق ليه الناس بيفتكرونا اغبية؟
كل مكلم حد و يعرف اني مش ستريت، بلاقيه بنسبة 99% متوقع اني جاهل او فاشل دراسيا لسبب ما و لما اقولهم اني مهندس بيتخضوا 3: , كأن علشان ابقى كويير لازم ابقى جاهل. بجد ربنا يديم نعمة العقل 🙏🏻
r/LGBTEgypt • u/AutoModerator • 11h ago
Subreddit Matters | شئون الصبريديت قبل ما تنشر.. دور الأول 🔍
يا جماعة، قبل ما تنزلوا أى بوست جديد، يا ريت تاخدوا دقيقة تدوروا فى خانة البحث وتشوفوا هل سؤالكم أو طلبكم اتسأل قبل كده ولا لأ.
كتير من البوستات بتكون مكررة بنفس المحتوى ونفس الأسئلة، وده بيخلى الصب ريديت مليان تكرار وممل ومفيهوش جديد يضيف للناس.
استخدموا الـ Search فى الصب ريديت الأول، ولو ملقتوش إجابة أو حابين تضيفوا حاجة جديدة ساعتها انشروا براحتكم ❤️
خلونا نحافظ على المحتوى منظم، مفيد، ومتجدد بدل الزحمة والتكرار اللى ملوش لازمة


r/LGBTEgypt • u/AutoModerator • 12h ago
Subreddit Matters | شئون الصبريديت بنفكرك، دليلنا ليك… خد دقيقة واقرأ
الصبريديت ده معمول عشان يدعمك ويوفرلك معلومة صح في وقت انت/ي محتاجها.
عشان كده جمعنا في الويكي ده مصادر وتجارب ومعلومات مهمة ممكن تفرق معاك/ي، سواء كنت/ي لسه بتدور/ي أو عندك سؤال محدد أو حتى بس حابب/ة تفهم/ي أكتر.
- الهجرة – معلومات وخطوات تساعدك تفهم الطريق.
- الصحة النفسية – دعم وموارد وقت ما تحس إنك تايه أو تعبان.
- الأمان أونلاين – إزاي تحمي نفسك ومعلوماتك في أي مساحة رقمية.
- منظمات للمثليين/ات – جهات بتقدم مساعدة ومعلومات.
- مصطلحات كويرية – دليل سريع يفهمك المعاني بدون تعقيد أو لخبطة.
- الجنس الآمن – صحتك أولًا، دايمًا.
- الوظايف والكارير – فرص، شغل، وتطوير نفسك خطوة بخطوة.
- بوستات متكررة – أسئلة اتجاوب عليها قبل كده.
- الأسئلة الشائعة – إجابات سريعة لأسئلة بتدور فى بالنا دايماً.
الويكي ده موجود دايمًا كمرجع تقدر/ي ترجعله في أي وقت، وتاخد/ي منه اللي يناسبك على راحتك.
ولو حسيت/ي إنك محتاج/ة توضيح أكتر أو دعم شخصي، وجودك وسؤالك دايمًا مرحب بيه
ملحوظة: في أقسام لسه تحت التطوير ومكملتش، وده طبيعي. لو عندك تجربة، معلومة، أو حابب/ة تساعد/ي في كتابة أو تحسين الويكي، ابعتلنا رسالة كل مشاركة منك محل تقدير.
r/LGBTEgypt • u/LiamIsTakenLol • 18h ago
Question | سؤال Cosplays in Egypt?
I ordered some while I was staying with family (not in Egypt), but unfortunately had to come back before the order arrived, so I ended up canceling it.
Then I ordered another one after getting back to Egypt, and customs seized it 💀 Egypt is actually hilarious at this point lmao.
Are there any local stores/ways to get this kinda stuff? Especially, y’know… the more femboy cosplay-ish stuff 👀 Or places I can go to?
Also, are there any events here similar to Comic Con?
r/LGBTEgypt • u/brokendivra • 1d ago
Question | سؤال ليه مش موجودين
as a lesbian
اي الطرق الي تخليني التقي ب ليز تانية ف الريل لايف بجد بخاف فشخ بترعب ابين دا لبنت تطلع ستريت وتفشخني + انا محجبة وكمان ف الصعيد غ الموضوع صعب بغباء لكن عندي صحاب و ساكنة بعيد عن اهلي مع بنات عادي
+ حاجة كمان شاكة ان اختي ليز او باي وحاولت كتير تلمسني "بهزار" بس كنت بتوتر لمجرد انها اختي و الموضوع غريب عليا والفكرة اني قفشت جامد وقولتلها مبحبش حد يلمس جسمي ف ازاي ارجع اجس نبض او اعرف هي ايه ومستحيل اسألها دايركت عامة
r/LGBTEgypt • u/AutoModerator • 15h ago
Subreddit Matters | شئون الصبريديت الدكاترة اللي نثق فيهم بناءً على تجاربكم
الليستة دي متجمعة من تجاربكم أنتم، يعني ناس من مجتمعنا جربوا دكاترة مختلفين وشاركوا تقييماتهم ونصايحهم. الهدف من الليستة دي هو إننا نساعد بعض نلاقي دكاترة موثوق فيهم وبيفهموا خصوصية كل واحد فينا.
لو أي حد جرب دكتور وواجه مشكلة أو تجربة سيئة، ياريت تبلغونا فوراً عشان نقدر نشيل الاسم من الليستة ونحمي أي حد تاني من نفس التجربة.
تقدروا تشوفوا التفاصيل والليستة كاملة من هنا
r/LGBTEgypt • u/AutoModerator • 17h ago
Rant | متضايق افضح متحرش!
الغرض من البوست أننا نفضح اكونتات متحرشين الدي امز ومنديلهمش فرصة ينتشروا أكتر
البوست أسبوعى بديل عن أن كل فرد ينزل ده بنفسه ويبقى اغلب محتوى الصب ريديت هو ده، فدى مساحة للتنظيم والتذكير
فأى رسالة غير مرغوبة، تقدروا تنزلوها هنا
خدوا بالكم، أن من هنا ورايح بوستات الدي امز هتتمسح، نستأذنكم محدش يبعت يسأل ليه اتمسحت 😭
(البوست من الأوتومود بس المودز متابعين البوست)
r/LGBTEgypt • u/Leilafterdeath • 1d ago
Question | سؤال Necklace💅
So i have been thinking of getting a necklace recently but i wanna get smt that is fem but not too fem uk what i mean so i wanted to see ur recommendations as lot of ppl here have good taste💕🦋