ابغى اشحن سنجاب من جده للجبيل الصناعيه بالله في احد يعرف شركة حيوانات للشحن كويسه ؟

مبدئيًا كثير قالو تدريبه صعب ف الي عنده معلومه لا يبخل لاني صفر بالكلاب كل تربيتي قطاوه

معلومات ممكن تفيد اي احد بينصح: الكلب مو عايش عندي انا بس ازوره بشكل يومي للتمشيه ساعتين الى ثلاث بالكثير

يعرف كم امر بسيط زي go يصير يركض و يهجم اذا اشرت على شخص وقلت له go و good boy يصير ينطنط stay و sleep لسا حسب المزاج يسويها stop اذا بنقطع شارع يعرف يوقف يتعبني بالهجوم على القطط والاطفال يبي يلعب ف يصير اسحبه واشده بالغصب عشان اثبته جنبي وبس

ووو يعرف اسمه

تبنيت هذي القطة مؤخرًا، وكنت فعلًا متحمس إنها تكون فرد جديد في البيت، خصوصًا إن عندي قطة ثانية اسمها فيونا. لكن من يوم جبتها وأنا أحاول معها بكل الطرق تقريبًا، والوضع متعب أكثر مما توقعت.

من البداية وهي جدًا دفاعية. تختبئ كثير، وتطلع أصوات تحذير وهسهسة، وحتى معي أنا الوضع غريب. أحيانًا أجيها بهدوء وتسمح لي أقرب منها، وتتمسح فيني وتحسسني إنها بدأت تثق فيني، وفجأة بدون ما أفهم السبب تضرب أو تحاول تعضني وتبعد.

المشكلة الأكبر مع فيونا. حاولت أعرفهم على بعض بالتدريج، وحتى حطيت الجديدة داخل قفص وخليتهم يشوفون ويشمون بعض بدون احتكاك مباشر. الغريب إن فيونا واضح عليها الفضول وتبي تتعرف عليها، لكن الجديدة غالبًا تبدأ بأصوات التحذير والونين، وبعدها فيونا تتوتر ويبدأ بينهم الضرب.

حتى مرة فيونا دخلت عليها الغرفة بدون ما أنتبه وكانوا لحالهم، وسمعت صوت صراخ ورحت لهم بسرعة. الحمدلله ما صار شيء خطير، لكن من بعدها بدأت أحس إن الموضوع مو بس يحتاج صبر، ممكن فعلًا البيئة عندي ما تناسب القطة الجديدة.

حاولت أعطيها مساحتها، ما أجبرها تطلع من مكانها، أعطيها أكل وتريت، وأتقرب منها بهدوء، وأحيانًا أتركها تمامًا براحتها. لكن للحين أحس إنها طول الوقت متوترة ومستعدة تدافع عن نفسها.

الآن أفكر بجدية أرجعها للمكان اللي أخذتها منه. مو لأني ما أبيها، بالعكس، لكن ما أبي أجبرها تعيش في بيت هي مو مرتاحة فيه، وبنفس الوقت ما أبي فيونا تعيش متوترة في بيتها.

وش رأيكم؟ هل أنا استعجلت وأحتاج أعطيها وقت أكثر؟ ولا أحيانًا فعلًا تكون شخصيات القطط أو البيئة غير متوافقة، وإرجاعها يكون أفضل للجميع؟

وهذي صورة المتهمة بالقضية 😂😭

باختصر الموضوع بابسط طريقة اقدر عليها، لقيت ٣ قطاوة ممترين الشارع حبي و امهم ماهي عندهم، دورت عليها ومالقيتها وقررت اخذهم لان حرام يتكون بشوارع الرياض، ياكثر ماشفت قطاوة صغار تدعسوا. المهم جبتهم عندي و شريت لهم حليبهم الخاص (KMR) وشريت لهم بيت و رضاعه. واكلتهم رجعت اليوم لقيتهم قاعدين يلحسون بواحد من اخوانهم بشكل مهبول، انا كنت شفت ان شعره و جلده بحالة سيء توقعت فطريات او شي ثاني بس طلع من اخوانه ومن كثر مايلحسونه و يمصونه. بحثت عن الموضوع و اكتشفت او فعلا الموضوع ماهو طبيعي ومشكله لكن ماعرفت كيف اوصل لحل؟ ابي حل فعال لواحد بالرياض و١٢ ساعة يكون فيها برا البيت و ٧ ساعات نايم والباقي بس الي يقدر يهتم فيهم، لان اغلب حلول النت تبيني عندهم ٢٤ ساعة

طبعا جدول اكلهم الصباح ٧ والليل لمن ارجع ٧ و الساعة ١٢ الليل قبل انام

ودي اتطوع وحاولت ارسلت معلوماتي لملجأ الرياض وكل جمعيه اشوفها بس محد عطاني وجه

أنا حاليا عندي وقت فراغ كثير وأبي اسوي شي مفيد بحياتي بدال التبطح فالشي الي احبه الحيوانات وودي اساعد القطاوه بس مدري كيف يصير الشي اسهل اذا فيه منظومه معينه عندهم سستم وانا اساعد بس من نفسي ماعرف غير ااكل قطاوه الشارع

وبالنسبه للانقاذ احاول على الي اقدر عليه بس بعد ماقدر اتبنى كثير قطاوتي كبيره بالعمر وبتزعل

هل لو ابدا شي مع ناس مهتمين بالقطاوه لو قروب صغير ونفكر كيف نبدا تطوع يعني شفت اشياء ممكن نحطها بالحدائق فيها اكل ونعبيها للقطط كل فتره بس بعد البلديه احتمال كبير تشيله

لو ببدا قروب للمهتمين وين ابداه اي تطبيق وكيف اجمعهم وانا ماعندي سالفه

اهلا كيف حالكم؟

احتاج اخصائي مناظير لقطتي في الرياض، اشتباه حالة انسداد المراره بسبب الحصوات .. اللي يقدر يساعدني ألقى دكتور متخصص اكون ممتنه لاني كلمت اكثر من عيادة ولا لقيت

ملاحظه: القط كبير في العمر