قائمة الجهات الاعلى رواتب ومزايا في السعودية

ما ادري اذا احد يحس بنفس الشي
بس انا اكتشفت اني ما اقدر ارتب تفاصيل يومي او process اللي صار معي الا اذا سولفت مع احد

دوامي من ٩-٦ والطريق تقريبًا ٣٠ دقيقة رايح ٣٠ دقيقة راجع وخلال السواقة اتمنى لو اقدر اتكلم مع someone new بدل ما اقعد اسمع اغاني لان الاغاني عندي غالبًا ما تسوي الا شي واحد: تفتح باب الـdaydreaming

ابغى شخص اقول له تخيل وش صار اليوم؟ او اتكلم عن موقف صار بالشغل او شي تعلمته او شي ضايقني او حتى random thoughts ما لها علاقة بشي

I’m a funny girl
وضحوكة واستمد طاقتي من السوالف

So… I’m searching for someone who just wants to talk

يفضل يكون في HR او له علاقة بالـHR/workplace مو شرط طبعًا بس احس بيكون عندنا common ground اكثر ونقدر نسولف عن الشغل career، workplace situations، واشياء الحياة اليومية بشكل عام

ما ابحث عن شيء معين او complicated، literally just good conversations with someone new

لي بالوظيفه ذي ٩ شهور وهي اول وظيفه لي الصدق كل ما سالت البنات عن اي شيء يخص الدوام او الاجهزه لان ماعندي خبره فيها كثير يضحكون و يحسسوني اني ضايعه ومو فاهمه شيء مع ان سؤالي طبيعي هل اللي قاعد يصير طبيعي ولا ايش؟ مابي اطلع بذي النظره قدام المدير الصدق اخاف ياثر على تقييمي

بقولكم كيف كان اول يوم وعلموني اذا طبيعي ولالا

اول مادخلت المبنى ماكان فيه احد الا موظف واحد (الي يسوي لي جهاز الشغل) سواه لي وبعدها رجعت جلست بغرفه الانتظار لين ما شافني سكيورتي كبير بالسن ورحمني قال تعالي بوريك مكتبك، لحقته ووراني نكتبي (كان فيه مكاتب كثييرررر حولي فيها اغراض وشنط بس بدون موظفين) وجلست فيه تقريبا نص ساعه او ساعه وحرفيا مافي احد حولي وهدووووء ومدري اذا مسموح اطلع ولا لا

فجاه بعد ساعه طلعو الموظفين من غرفه الميتنق ومستعجلين مره وكل واحد رجع لمكتبه وكمل شغله وواضح مضغوطين مره فما الومهم لكن شكلي كان جدا غبي ومحرج كيف محد انتبه ان المكتب الفاضي ذا صار فيه بشري

جلست على جوالي نص ساعه بعدين جتني وحده وقالت ترا المشرف مو موجود اليوم بس طريقه كلامها كانها تضحك علي يعني كأني المفروض اعرف

طبعا بعدها كلمني المشرف لكن ستل الكل نفس الاسلوب حق الي كيف ماتعرفين ذي المعلومه؟ هههه غبيهه كيف ماتدرين هذا كذا منصبه؟؟؟ يعني مثلا صارلي موقف ثاني وقالو كلمي الاتش ار، بس مين الاتش ار وكيف اتواصل معه هل ادق عليهم ولا ارسل واتس ولا ايميل ومين هم وكيف اعرفهم

صديقاتي اغلبهم شركاتهم سوو لهم تور وعرفو الموظفين على بعض بس انا انرميت بالمكتب بدون اي معلومات والي حولي روبوتات ماتعرف تتكلم وتمتنع عن اي جواب

انا اكبر وحده من اخواني وماعندي احد استشيره واساله وحاسه بضياااااع مو طبيعي وممكن اسالتي تكون بديهيه وغبيه بس حرفيا كيف اعرف ذي الاشياء؟ ما استهبل تراني انهرت اليوم وتهاوشت مع اهلي وانحشت ساعتين من البيت بعدين رجعت طبعا

دعواتكم الفترة الاخيره من حياتي
١-صدمت بسيارتي الجديدة و صلحتها
٢- احد الرؤساء حاطني في راسه وجالس ينغص علي وانا توني فريش
٣- dealing with a breakup و كل يوم قلبي يغرق من الظلمه كل ما اتذكر ( حرام و الله يهدي المسلمين اجمعين ولا استهين بالذنب )
٤- اخوي متعاطي و منكد علي حياتي و طعني بسكين قبل فترة و الحين مسكوه ، و اهلي جالسين يبكون عندي و يضغطون علي كل ماروقت كرهت القعده في البيت

٥- ودي اخذ اجازة بس كل اخوياي مايبون يسافرون و انا علاقاتي خلقه محدوده

الي يشوفني برا يقول ذا مستانس مره و مغير اضحك و اذب بس من داخل الله لايوريكم

دوبي متخرج وضايع وما اقدر اقول بثقة اني متقن شي تعلمناه او أعرف وش مسماي الوظيفي الي ممكن اقول اني اعرف عنه بثقة.
في الجامعة تعلمنا شوي جاڤا بعدين تعلمنا SQL بعدين تعلمنا اشياء متعلقة بال auditing بعدين نظم المعلومات الجغرافية والطبية بعدين في ال Machine learning والأنظمة السحابية الخ الخ… كان تشتيت تام وضيعني مرة.
قررت اتطور بشكل ذاتي في تقنية المعلومات والدعم الفني بحكم انه واضح. هل تشوفون اني بالطريق الصح؟

وسؤال أخير. ليش لما اقول للناس ان تخصصي نظم معلومات يفكرون انه نظم معلومات ادارية؟

بنيتُ أداة مجانية لمديري المشاريع — وأحتاج رأيكم في الخطوة القادمة.

في كل مرة أحتاج فيها حساب CPI أو SPI أو EAC، كنت أفتح ملف Excel قديماً،

أو أبحث عن حاسبة على الإنترنت تطلب تسجيل الدخول وتحاصرني بالإعلانات.

فقررت أن أبني البديل.

🔗 yazeed.blog

14 مجالاً · 34 حاسبة · 103 مؤشرات

من القيمة المكتسبة والمسار الحرج، إلى تحليل المخاطر، وستة سيجما،

والعقود، والتنبؤ في المنهجيات الرشيقة.

ثلاثة مبادئ بنيتُ عليها الأداة:

◾ لا شيء يغادر متصفحك

كل العمليات الحسابية تجري داخل جهازك. لا خادم يستقبل بياناتك، ولا تتبّع،

ولا تسجيل. أرقام مشروعك تبقى ملكك وحدك.

◾ الرقم وحده لا يكفي

كل نتيجة مصحوبة بقراءة واضحة: هل CPI عند 1.13 وضعٌ جيد فعلاً؟

ماذا يعني أن يتجاوز TCPI حاجز 1.10؟

ولماذا تصبح SPI مؤشراً مضللاً مع اقتراب نهاية المشروع؟

◾ تصدير كامل إلى Excel

بضغطة واحدة: المدخلات والنتائج والرسوم البيانية في ملف xlsx —

برسوم أصلية قابلة للتعديل، لا صور جامدة.

مجانية بالكامل، وستبقى كذلك. بلا إعلانات، وبلا تسجيل.

━━━━━━━━━━━━

وهنا سؤالي لكم:

بنيتُ هذه الأدوات انطلاقاً من احتياجي أنا. لكن احتياجاتكم في الميدان

قد تكون مختلفة تماماً.

ما الحاسبة التي تفتقدونها فعلاً؟

من الأفكار المطروحة أمامي:

• حاسبة مسار حرج كاملة — تُدخل الأنشطة وعلاقات التتابع فتحسب الشبكة

• محاكاة مونت كارلو لتوزيع احتمالات مدة المشروع

• واجهة باللغة العربية

• موازنة الموارد (Resource Leveling)

أيها الأولى برأيكم؟ أم أن هناك ما هو أهم ولم يخطر لي؟

اكتبوا في التعليقات — وسأبدأ بما يتكرر طلبه.

هل تحتاج تحضير قوي وكيف؟ هل هي صعبه ولا؟ خصوصا لل mbb انا ماقد دخلت اختباراتهم ولا اعرف كيف طريقتها

سلام عليكم
انا اشتغل بشركة عدد موظفينها قريب ال١٠٠ وقاعده تكبر حبه حبه وباديه تمسك مشاريع كبار، وجاني عرض من شركة بنفس المجال بس شركة استشارية وعدد موظفينها حسب لنكد ان حدود ال٢٠ علمًا ان الثانيه معتمده في مجالها من كبار المنظمات .. الشاهد بالموضوع هل عشانها شركة استشارية منطقي عدد الموظفين؟ مع ان لها مشاريع كبار كثير

ولا مالها دخل واتعوذ من ابليس واقعد بمكاني؟ لأني برضوا م ابي اروح لشركة صغيره جدًا واتعب معاها

أنا خريج تخصص محاسبة ومر على تخرجي أكثر من سنة ولحد الان ما اتوظفت وبكل صدق وأمانة اشوف التقصير مني والان اعيش في مرحلة تشتت مو عارف وش لازم اسوي

لغتي الانجليزية ضعيفة واساسي المحاسبي جيد بشكل عام ولكن احتاج إلى مراجعة مكثفة + خبرتي العملية محدودة

كثير اسمع نصيحة خذ شهادة من الهيئة ولكن ما ادري هل راح تفيد او لا خصوصا ان خبرتي العملية بالتخصص تكاد لاتذكر (تدريبي كان تسليك)

اذا** *احد* *عنده* *تجربة* *سابقة* *او* *نصيحة* **لايبخل
لأن فعلا حاليا متشتت مو عارف ابدأ من وين أو وش الاولوية

انا منذ فترة استخدم اوتلوك و تيمز على جوالي وايضا لابتوب الدوام وفجأه قبل شوي جاني اني لازم احمل تطبيق اسمه intune company portal وش هذا وليه احمله ووش يصير لو حملته؟ هل يعطيهم وصول لكل جوالي؟ احتاج اجابات واضحه قبل احمله وابتلش

كملت سنة ونص بشغلي وشايلته فوق راسي
وبدت مهام العمل توضح بالضبط ايش اسوي وايش مطلوب مني
مشيت الورك فلو تمام وماسكة شغلي زين
بس خلاص اكتشفت ان قسمي وصلت الحدود معه ومافيه زيادة اتعلمها اكثر
فضولي يفجر مخي عن باقي الاقسام بس مابي اكون ملقوفة ووقحة اني اعرف شغلهم او احسسهم بالتهديد واستحي من الرفض لو سالت احد ورفض يشاركني شي
كيف جرأتكم؟ كيف ردة فعلكم؟ والا اي مستوى تبون تعرفون؟

أنا هذي آخر سنه كطالبة جامعيه بتخصص تقني،لكن ماعندي لا شهادات عالميه خارجيه ولا مشاريع خارجيه كل تركيزي كان دراستي داخل الجامعه والمعدل ومشاريع مواد الجامعه غيرها ماعندي .
وكل ما أشوف اللي حولي اتعب اتعب لان ماشاءالله كيف يمدي الواحد يروح ويشتغل ويدرس زياده على ضغط الجامعه مرا يفوق طاقتي.
ف سؤالي هل باكل خرا إذا تخرجت ، او فيه امل، او لو في شي اقدر أسويه من الحين يعني مدري مدري ياعالم ضياع وقسم بالله ضياااااع

اللي له خبره بال hr او الشركات التقنيه الكبيره ويقدر يفيدني بكون شااااااكره

الانسانة ببوزشن اعلى مني بتكه وحده بس وتوها مترقيه قبل يومين واولريدي صارت تحط رجل على رجل وترمي علي الاشغال وخلصيها يلا والديدلاين بعد ساعة وتتابع معي ٢٤ ساعة

بالاول كنت احسبها مرتبطة بشغل ثاني لكن واحد من الموظفين فضحها عندي من دون ما يدري ان اغلب اشغالها متكنسله

عادي تقروش عيشتي عشان ارسل ايميل بدالها، يلعن شكلها ابغى اضربها مسويه pm على حسي

فصدق وشلون اتوطاها بشكل مهني يبقي الود والاحترام بيننا

عندي اسئله بالحياه الواقعية
مثلا بالضبط وش الفرق بين منهجيه واترفول و ايجايل؟
واترفول يخططون للمشروع بالتفصيل من البدايه وخلاص يمشون على السكوب بدون اي تغيير ف الوقت الي بيخلص المشروع مضمون
اما الايجايل يكون فيه مرونه اكثر والسكوب يحسنونه كل فتره
لان اذكر جاني هذا السؤال مره ولا جاز له جوابي
انا سألت شات وعطاني اسئله بس اجوبته حسيته مافيها واقعيه فالي فاضي يعطيني من علمه الله يجزاكم خير

عملي صعب يوافقو اكمل ماستر ، لازم اخذ اجازه بدون راتب وانا محتاره اسويها ولا اقعد وانتظرهم ؟ اخاف تاثر علي شلبا

عندي فكرة لهاكثون الطاقة و احتاج مهندسين و تقنيين إذا احد عنده الرغبة ينظم معنا يتفضل يرسل لي

أدور على فرصة وظيفية في مجال التقنية — عن بُعد أو في منطقة عسير

السلام عليكم،

أنا خريجة علوم حاسب وأدور حاليًا على فرصة وظيفية في مجال التقنية، سواء عن بُعد أو داخل منطقة عسير.

عندي اهتمام وخبرة في أكثر من مجال تقني، منها: الذكاء الاصطناعي وإدارة منتجات الذكاء الاصطناعي، تحليل البيانات، الـ Cloud، الـ IT، الأتمتة، والأمن السيبراني.

من خبراتي:

- تدريب في الأمن السيبراني وعمليات تقنية المعلومات

- متدربة في إدارة منتجات الذكاء الاصطناعي

- قدمت دورات وورش تقنية

- اشتغلت على مشاريع في Python، SQL، AWS، Azure، تحليل البيانات، Semantic Search والأتمتة

عندي عدة شهادات منها AZ-104 Azure Administrator Associate، AWS Cloud Practitioner، ISC2 CC، وشهادة Google Cybersecurity.

أنا منفتحة على فرص وظيفية متنوعة، خصوصًا وظائف الـ Junior، التدريب، أو حتى فرص تساعدني أبدأ وأكتسب خبرة عملية. إذا أحد يعرف شركات في عسير توظف في المجال التقني، أو فرص Remote، أو جهات تنصحوني أقدم عليها، بكون ممتنة جدًا لأي اقتراح أو توجيه.

أقدر أشارك الـ CV والـ Portfolio والـ LinkedIn عند الحاجة.

شكرًا مقدمًا 🙏

​

السلام عليكم، حبيت أسأل ناس عندها خبرة أكثر مني.

توني استقبل رسالة واتساب من رقم مصري (+20)، تدعي إنها من شركة توظيف، تعرض وظيفة وتطلب مكالمة "لإكمال التقديم"

ما عندها رابط للإعلان الوظيفي، وقالت السبب إن "السيرة الذاتية جت مرشحة من عميل" مباشرة بدون إعلان

اسم مكان العمل اللي ذكرته غريب ومترجم بشكل ركيك، مو اسم شركة واضح

لسه ما ردت لما طلبت منها موقع الشركة، صفحة LinkedIn، أو إيميل رسمي بدومين الشركة

لقيت على تطبيق كاشف أرقام (زي Truecaller) عدة تاقات على نفس الرقم، hr و اسمها

هل هذا نمط طبيعي لشركات التوظيف الحقيقية، أو علامات نصب واضحة؟ حد مر بتجربة مشابهة؟ 🙏

توظفت خدمة عملاء لوجستيه وانا خريجة HR كانت الخطه اني اخرج من الكومفرت واطلع للعالم بأي وظيفه كنت ابي تمهير خبره لتخصصي بس ما توفقت فيها الشركات تدخلك وتشغلك بمسمى ثاني بغيت اقعد كل السته شهور ذيك ارتب الارشيفات بس خرجت
الان خطتي اني اشتغل معهم كم شهر وبعد ما اتقن شغلي اروح لموظفة الاتش ار اطلبها شغل هل تعتقدون انها بتوافق انا بس خوفي الوحيد انها تحسبني بسرق شغلها ومكانها ولا انا ابي اطلع من هنا بس ماابغا اقول لها🌚 مره البنت حبوبه الله يسعدها بس ابي اعرف كيف اطلبها شغل بدون محاسسات
انا متفائلة اني بقدر اخذ خبره منها ع الاقل املي السي في حقي ويكون فيه عقد واضح ان عندي خبره وان شاءالله اكمل معهم سنه واشوف الوضع بعدين والحلو بالموضوع انها بتاخذني عندها لمكتبها لأن كل تيمي رجال وهي لحالها بمكتب
ابغا نصائح الله يسعدكم
هل اكمل معهم ولا اتركهم (انا باقي في فترة التجربه)واروح احاول ادور وظيفة HR

وش رايكم بدورات دروب؟
تخصصي موارد بشرية وأخذت كم وحدة بالاكسل وبالذكاء الاصطناعي واشياء جانبية.. هل اضيفها بالسي في؟ ولا مالها داعي بس اكتفي بأني انزلها في لينكد ان؟ رجاءً علموني .. مع العلم تراني حديثة تخرج

ارامكو متواصلين معي عشان شاغر عندهم، والصدق محتار جدا ولا ادري اكمل او لا

ماودي اكمل في المقابلات وانسحب عشان ما اخسر احد او احرجه، خاصة ان مجال عملي ضيق ولا ابي تكون سمعتي عند الناس سيئة، صعب علي انقل للشرقية واترك اهلي وعندي تجاره جانبيه ماودي ابعد عنها بالحيل.

بنفس الوقت اكيد بيعطوني منصب احسن وزيادة راح تكون حول ١٥ الف وميزات اضافية. وراح تكون اضافة حلوه لخبرتي.

مكاني الحالي جيد وقوي جدا اللهم لك الحمد ولكن الزيادة بالراتب معتبره ولا ابي اخسر فريقي الي بنيته وادارتي الي كسبت ثقتها.

انت لو مكاني وش تسوي، حط ببالك عندي اهل بالرياض وماعرف الا قليل في الشرقية.

السلام عليكم ورحمة الله وبركاته،
مساء الخير جميعًا. الصراحة اعترف اني مو قاعد اتكلم عن وضعي، ولكني اتكلم عن وضع شخص قريب لي يحتاج مساعدة.

تخصصي غير تقليدي ومختلف تمامًا عن تخصص القانون، ولذلك ما عندي ادنى خلفية عن كيف طلاب التخصصات هذي يلقون تدريب.

معلوماتي محدودة جدًا، ولكن لصالح فتح النقاش ابقول الخطوات اللي انا متوقعها، وراح اقدّر اذا احد طيب ومطلع يأكدلي هالكلام او يعطيني نصيحة افضل، والله يجعلها في موازين حسناتكم يا رب، ويجزاكم الف خير مقدمًا.

من معرفتي المتواضعة، سمعت ان اغلب المنشئات يعتمدون اعتماد كبير على لنكد ان، ولذلك ينصحون الطلاب بانهم يطورون ملفهم الشخصي هناك، ويصلحون الcv حقهم (ما اعرف افضل نوع له، هل هو الATS؟)، ثم يتواصلون مع الHR الموجودين بالمنشئات اللي يبون يتدربون فيها بcold email او من خلال الخاص بلنكد ان.

بناءً على توقعاتي، هذي اسألتي:
- وش افضل طريقة عشان الشخص يطور حسابه بلنكد ان؟ هل الخدمات التجارية لتطوير حساب لنكد ان مفيدة فعلًا؟ (نفس السؤال ينطبق على خدمات تطوير السيرة الذاتية)
- هل لنكد ان فعلًا ضروري؟
- هل فيه طرق افضل للتواصل؟
- ايش ممكن يعطي سيرة طالب قانون edge تساعده بانه يكون مميز من بين المقدمين الاخرين؟
- هل فيه وقت معين يفضل ان الطالب يقدم خلاله؟ مثال: قبل منتصف الفصل، بداية الترم، الخ. واذا ما كان وضع الطالب يسمح بانه يقدم بدري، وش ثاني افضل وقت له؟
- هل فيه شهادات يمدي الطالب يحصل عليها خلال هذا الترم وتساعد برفع قيمته كpotential intern او حتى موظف مستقبلي؟
- هل تعلم الاكسل يفيد؟
- وش يكتب الطالب بالرسالة حقته عشان يضمن رد؟
- وش الاشياء اللي لازم يتجنبها؟
- هل الايلتس مهم؟
- هل اضافة ساعات التطوع (حتى لو ما كانت متعلقة بالتخصص) مفيدة؟
- هل السيرة الذاتية تفضل بالعربي ولا بالانجليزي؟
- هل فيه اي خريج قانون هنا ممكن يقدر يفيدنا بنصائح من تجربة او حتى اقتراحات لجهات عمل مناسبة؟
- واخيرًا، هل المقاطع الاجنبية عن الموضوع هذا تفيد ولا اختلاف سوقهم/ثقافتهم يخلي نصائحهم صعب تطبيقها؟

وشكرًا جزيلًا لكم على وقتكم، والله يوفقكم جميعًا.

السلام عليكم،

من العنوان واضح. احتاج شريك تقني في مشروع يخص ربط العملاء بوكالات السيارات. الفكرة عرضتها على مجموعة المجدوعي وعندهم تقبل للفكرة وبديت اشتغل على النموذج الاولي لكن احتاج شريك تقني عنده شغف ومعرفة بسيطة ففي السيارات وأيضا وده يكون شريك في مشروع تقني. السوق مميز وفيه فرصة حلوة. اللي عنده رغبة يرسلي على الخاص