مبدئيا كده انا مش عارف انتم ليه بتكرهون المثليين بكراهية شديدة للدرجة دي

انا شايفكم عرب بيكرهون مجتمع الميم واهو قلتها بشكل جريء

دلوقتي لو ربنا قدر وطلعنا من مصر ، نروح فين عشان ميبقاش فيه عنصريه على المصريين ؟

لو هبدا انا هستبعد الخليج تماما والسبب معروف ، في اوروبا سمعتنا هناك زي الزفت بسبب ولاد الكلب بتوع بريطانيا وعرسان جنه ايطاليا ، امريكا ممكن ، اسيا دول معينة زي اليابان مش كل المدن بتاعتها ودوده للسياح

نروح فين منك يا مصر

للسياق بشكل ملخص الست بتتكلم عن تريند بيتكلم عن شباب من فنون جميلة رسموا جداريات في التحرير بطابع مصري قديم وكان فيه رسومات ملامحها جنوب أفريقية ف الناس هاجمتهم بحجة أن ده دعم للأفروسنتريك.

كيكا = جيجا
ادري هذا الموضوع حساس الكم المصريين و اني اعتذر لو انفهم سوالي ك شماته أو هيج شي (مو قصدي والله)

سوال فضولي اريد اخذ اجابته من اشخاص مباشرة مو بحث

اي حد عشريني او تلاتيني يدني نصيحه في الحياه او حاجه لو عملتها هتفرق معايا قدام انا عندي خمستاشر سنه نزل شغل مع ابويا في الاجازه بحب الجيمنج و البرمجه و بلعب شطرنج و شاطر في الكهرباء و كده بس مش بلعب رياضة او بروح جيم

انا بنت وبدور على بنت بنفس اهتماماتي

شنو قصتها هل كانت نشيد ولو لا هذا افضل ولا النشيد الحالي

كراهية المثلية الجنسية بتعتمد علي مدي تدين المجتمع بغض النظر عن دينه اصلا ,اسرائيل برا تل ابيب عبارة عن مجتمع متدين محافظ و المثلية مازالت غير مقبولة ,هما بس فى تل ابيب عامليين ظيطة عشان قدام العالم الاول يبانوا احنا ممتحضريين اهو و بندعمهم

فى امريكا (ايوا امريكا ) مازال فى مجتمعات مسيحية كتير جدا بيكرهوا المثلية و بيتخلوا عن اطفالهم لو طلعوا مثليين ,اكيد مش بيمارسوا العنف ضدهم (فى اغلب الحالات يعني) ولكن ببساطة بيكونو منبوذيين مجتمعيا من اسرهم و من الكنيسة ,

ده بالنسبة لامريكا الى هى بالمناسبة مجتمع بروتوستانتي متفتح وقابل للاصلاحات و التغيير مابالك بالمجمعات الامريكية اللاتينية الى هى مجتمعات كاثوليكية متدينة و فى كتير من فترات تاريخية وصلوا لمراحل عالية من التطرف الديني (محاكم التفتيش ,ابادة المسلميين و اليهود,قمع العلماء و المفكريين)

بالنسبة للعالم الاسلامي ف انا مدرك ان المثليين بيواجهوا صعوبات اضخم من الدول المسيحية ولكن فى نفس الوقت فى دولة مسلمة كتير بتضمن و بتحمي حقوق المثليين و اغلبها بتكون مجتمعات علمانية ,زى البانيا و كازاخستان و اذربيجان و تركمانستان و اوزباكستان و كوسوفو و البوسنة و تركيا ,وكتير من الافراد و المجتمعات جوا العالم الاسلامي مش بيمارسو العنف ولا التمييز ضد المثليين اطلاقا حتى لو كانت الدولة نفسها بتعمل كدا بعض الافراد متسامح و متقبل جدا

المجتمع المسيحي المصري مازال متدين جدا و رافض لكل مظاهر المثلية الجنسية ,مش عشان هما فى وسط اغلبية مسلمة ولكن بسبب ان مش كل المجتمعات اتعرضت لمحاولات علمنة قصرية تجبرهم يطلعوا الدين من المسائل الحساسة خارج نطاق حياتهم ,انا حرفيا لقيت قبل كدا صفحة قبطية علي فيسبوك بيعلنوا 3 اعداء للمسيحية ,السلفية (مش المسلميين عموما ولكن السلفية الجهادية بالتحديد) و المثلية الجنسية و الشيوعية

خلينا نتكلم شوية عن موضوع العلمانية ,العلمانية مش معناها ان المجتمع ملحد ولكن معناها ان المجتمع محايد دينيا فى الامور الى متخصهوش ,انت ك مسلم او مسيحي او يهودي مش عايز تبقي مثلي الجنس عشان دينك بيقول ان ده حرام ف المجتمع العلماني هيتقبل ده جدا عادي لان ده حرية فردية بعض النظر مصدر القرار منين ولكن انك تحاول تفرض تعاليم دينك علي شخص تاني وتعدتي عليه لمجرد انه مثلي الجنس ف ده الى العلمانية بتحاربه ,انت ليك الحق تطبق تعاليم دينك علي نفسك ولكن ملكش الحق تفرضها علي حد تاني

العلمانية رسميا هى حياد الدولة دينيا بحيث ان الدولة متعترفش باي ديانة ولا تعادي اى ديانة و متعترفش باي نظام ايمان او انكار للايمان الى هو الالحاد ,ايوا الدولة العلمانية محايدة عقائديا بمعني اصح يعني مبتعترفش حتى بالالحاد اصلا ,كل فرد ملحد ليه تفسيره و وجهة نظره عن ايه هو الالحاد ولكن الدول الملحدة زى الصين والاتحاد السوفييتي و دول شيوعية تانية حطوا تعريف واضح للالحاد و هو رفض الغيبيات و رفض الايمان بوجود حياة روحانية او حياة عليا خارج الواقع الفيزيائي الى احنا موجوديين فيه

لما اقول "مجتمع مسيحي علماني"(زى الغرب مثلا) او "مجتمع مسلم علماني"(زى وسط اسيا و البلقان و تركيا و بعض الدوائر المجتمعية فى الوطن العربي) او "مجتمع يهودي علماني" (اليهود فى الغرب و المدن الرئيسية فى اسرائيل) بلاقي ناس بتستغرب من الموضوع ,ايوا فى مجتمع ممكن يكون بيتبع اى ديانة ولكنه مجتمع علماني فى نفس الوقت ,زى ما شرحت العلمانية ليست الحاد ولكن ان المجتمع ميفرضش الدين بغشومية وميمارسش العنف ضد اى حد بناءا علي اسس دينية ,الدين يتم تطبيقه بشكل شخصي فقط

واحد صحبي كان داخل حاسبات وذكاء اصطناعي بس امة مردتش ودخلتو علاج طول فترة اختيارة للكلية كنت واقف معاه وبنصحو لو دخل حاسبات ياخد كورسات اية وكدة النهاردة بيقولي ان امو مردتش بحاسبات حكومي وهدخلو علاج اهلية انا طبعا عادي النهاردة اشتركت في منصة يعني كبيرة بتاعة تعليم سكيورتي وقولت اشاركة بما اني فرحان اول مرة اشترك فيها كمية تقليل وكلام مستفز اتقالي فاللحظة دي انا استغربت جدا يعني لية الكلام التقليل دة يبني انا كنت واقف معاك لية تقلل من حاجة انا عايز اعملها

انا بس حبيت اقول الكلام دة عشان اخفف عن نفسي شوية لاني مضايق بس من الموقف البيض دة من شخص انا كنت بساعدة يبقي حاجة كويسة

أنا مش فاهم أيه الي أكتشفه و مستغربه أوي كده أن العيال بتسيب المُدرس الي بيضربهم و يهينهم و بيروحوا عند المُدرسين الي بيشجعوهم و بيحترموهم ولا أنهم مش شايفين أن "تقصيرهم" ده عذر يخلي المُدرس يهزقهم أو يضربهم ؟

و بيقول "ضربته" عادي بعدها بيقول بسبب تقصيره علي أساس أن عيل جاب درجة وحشه أو حل الواجب غلط ده يديله الحق أنه يضربه . هو مش كل فشل أكاديمي ناتج عن الكسل أو التقصير أصلآ فيه أسباب كتيرة تانية ذي فروقات التعلم بين الأفراد ، الظروف الحياتية و الصحية أو أن طريقة الشرح مش مناسبة هو ده سبب فشل هذا الأسلوب و كونه كان السائد في مصر خلي التعليم في البلد كله يفشل . أساسآ ولي الأمر هو الي شغلته يحاسب علي التقصير الدراسي لو كان نابع من الكسل المدرس بيبلغه بس

و المشكلة أنه في ولا لحظة فكر أن المشكلة ممكن تكون فيه هو لا ده جاب الغلط علي العيال الي ضربهم و هزقهم لحد ما طفشهم من الدرس خالص و علي المُدرسين الي بيروحوا لهم و بيستخف بيهم لانهم بيوزعوا هداية و لعب أطفال ديه مستويات غريبة جدآ من الانفصال عن الواقع. بدون ما أصدم حضرتك يا فندم بس حضرتك مُدرس جغرافيا إبتدائي و إعدادي الطلبة الي عند حضرتك أطفال و المُدرسين التانيين بيتعاملوا معاهم بأسلوب مناسب لسنهم أنت الغلط مش هما.

ختامآ أحب أظهر إمتناني لأولياء الأمور الي بيحطوا السلامة النفسية و الجسدية لأطفالهم فوق كل حاجة و مبيسمحوش للأشخاص دول أنهم يأذوهم بحجة التعليم .

انا داخل علي جواز قريباً البنت من سوهاج و اهلها ناس كويسه جدا و والدها برضو لكن اول ما بدانا نتكلم في الاتفاقات حسيت انه مزودها جداً بيكتب ١٠٠ جرام دهب في القايمه ( بيقول دائما بيعملوا كده في سوهاج ) ال١٠٠ جرام دول كضمان لحق بنته

و انا موافق علي فكرة القايمه لكن الدهب صعب اني امضي عليه و طبعاً رفضت انا و اهلي و حتي لو همضي علي قائمه بيقولي نقل عفش البنت كلها عليا مادياً.

المهم انا بفكر اجهز الشقه كلها بنفسي اينعم دي مصاريف كتيرة جداً عليا و انا مش مقتدر بالكامل اني اعمل ده بس بحبها و هي بتحبني و انا بحاول اعافر كفايه وواحدة واحدة هجيب كل فترة حاجه فالشقه.

و لسه بسال امبارح لقيت انهم حتي مش هيساعدوا في اي شئ خاص بحجات المطبخ زي حلل او كوبايات او ملايات سرير و خلافه الحجات الي اصلا البنت بتدخل بيهم الشقه طبيعي و هتتجوز فقط بشنطه هدومها و دي حاجه معصباني اوي بل هيرموا كل حاجه عليا من الالف للياء و ده مش اصول و حاسس اني مضغوط عليا جدا

اعمل ايه في الوضع ده ؟ عاوز نصيحه محترمه

كده كده هبدأ علشان محدش يقولي بتتهرب بس مثلا علشان اخلص بايثون أو سي بلص الكورس علي يوتيوب تلات اربع ساعات طب خلصته مثلا في أسبوع ماذا بعد كده معايا لغة؟ بس ده سؤالي

انا شغال من البيت و عايز صحاب لدرجة اني كنت دخلت اقدم علي فيكانسي ترقية في شغلي لمجىد اني عبقي بشتغلها من الشركة عشان قلت اهو اكون وسط الناس و يمكن اطلع بصحاب اكتر من فكرة اني كنت عايز اترقي متخيليين؟؟

مش عارف اعمل ايه و بصراحة حتي لما كنت شغال من الشركة ... مهو طول الوقت الواحد علي مكتبه و بيجري ورا التارجيت

بس بردو يعني انا عمري ما روحت اي مكان في اي مرحلة عمرية و كونت شلة او اصبحت جزء من شلة اصحاب.

الناس اللي عمرهم ما يعرفوا يعني ايه مغيش صحاب هيقولك: روح خد كورس رسم اعرف ناس لول

المجتمع المصري الناس مش بتعرف فيه بعض بالطرق دي مش شيكاجو هي

كنت ماشيه في ترويل مع صحبتي و لقينا بتت صغيره متبهدلة شبه اطفال التسول كانت عايزه تيجي تجرب العجل بتعنا

و بعدين لقينا راجل نفس بهدلتها برضو شبه المتسولين راكب موتسكل و كلمها و قلها انت كنتي فين كل ده ممتك بدور عليكي بقالها شهر

المهم فكرناه طبعا عايز يسرقها لحد ما قللتلي على مكان بيتها على جنب و هو قال نفس العنوان بعدها ف عرفت ان هما يعرفو بعض و حتى كانت بتكملو و بتقولو مش هرجع و طيعا هو خاف من الشرطة فا مرضاش يخدها بالأقوة

فا قلنا لو عايزين تعملو خير رجعوها العنوان كزا كزا العنوان ده جنب بيتي اصلا ف كنت هاخدخا و اروحها

بس البنت مصممه تبقى لوحدها و مترجعش و بعد الحاح مني قالتلي ان انها بتضربها و لقينا فعلا علامات الحرق و الضرب على ايديها

البنت ققل نن عشر سنين

هي مرضتش تيجي معايا ف رحت مصوراها لعلى و عسى حد يقدر يساعدها و و يديها ملجى

المهم بعدها كنا لسه بنلح عليها و عايزين نسيبها نفس الرجال جاه و مع بنت اكبر شويه برضو نفس البهدله و طبعا عرفتها و جرت وراها و اخدها و ركبو الموتسكل

لو مكاني هتعملو ايه انا نعايا صورتها

Planning to visit in November and keep seeing JAZ Makadina and SUNRISE Royal Makadi Resort recommended. Has anyone stayed at either? Which would you choose mainly for snorkeling? Other hotel suggestions are welcome too!

​

انا 22 سنة وبفكر اعمل تقويم، سناني مش ملخبطة اوي لكن الدكتور بيقولي هتسببلك مشاكل قدام لو معملتش وهتراكم جير وبتاع، انا الحقيقة متردد عشان مش متقبل فكرة اني لازم اخلع ضروس دي يعني الواحد بيلاقي سنانه فين

ف هل الموضوع يستحق ف السن دة، ولا خلاص كدة متاخر، ولو اعمل ف ايه افضل الانواع واسرعهم يعني حتى لو التكلفة عالية

عندي فكره موقع رايق انا كنت شغال علي موقه بالذكاء الاصطناعي هو الي بيكتب الاكواد فكرته تخش تختار الالعاب الي خلصتها او بتلعبها و ترفع السيف جيم بتاعك علي الموقع علشان ميضيعش و في نظام فريندز و بوستات

خلصت منه سبعين في الميه بس وقفت علشان الدراسه

دلوقتي عندي فكره موقع تانيه

الموقع يكون شامل كل المجالات جيمنج برمجه انمي رسم صناع محتوي هاك

و كل قسم ليه صفحه في الموقع علشان الناس تتشارك مع بعض فا مثلا لو في مطور عربي عمل لعبه يعمله صفحه علي الموقع تكون ل العبه بدل ما ينشرها علي مواقع تانيه

ممكن اي حد يقولي ايه الفايده ما عندنا ريدت و ديسكورد و بدايل تانيه ...

الفكره من المووضوع انه هيكون عربي بالكامل

مين معايا ؟

هنو دوان نابت كالم بقي لاز م بروشنه انا اخدت اخر برشامات وجاهد غي كتابت البوست

أنا عارفة أن سيتم إهانتي فشخ بس نفسي في نقاش محترم و ناس فعلًا عندها أسئلة علي الموضوع و عايزة تفهم.. و قبل لما حد يسئل لا مش عايزة ولا ناوية "أحاول أغير ميولي"عشان مش هعيش حياة مزيفة. عمتًا أنا مستعدة أرد علي أي سؤال فبراحتكوا. أنا كمان عندي فضول أفهم رأي و اعتراض الناس أكتر لأن الموضوع شيق جداً بالنسبالي.

دلوقت اتا طالع ديك اهلي امراض نفسية وجسدية الفترة دي عشان مش ماشي علي عادتهم وكلامهم واعمل اللي هما عاوزينه زي الحمار عاوزين يضربني ويأدبووني زي ما بيقولو انا قاعد ف اوضتي بروح المحل وارجع المغرب اوضتي برضو بيتلككو عشان يخلو ابويا يضربني سواء امي او عمتي وابويا بيسدق وعلي كيفه يضربني عاوز اغور من البيت دا اقسم بالله ممكن اق**ل حد او حتي أذي نفسي انا بكتب وانا بترعش من اللي كنت هعمله اقسم بالله اي القرف دا

جماعة انا بكتب الكلام ده وانا بعيط اقسم بالله 20 سنة وقاعد بعيط لا عمري حبيت ولا اتحبيت حتى اهلي حاسين ان أنا خذلتهم دراسيا عمرهم ماكانو قريبين مني اوي خاصة ابويا مليش صحاب حتى معارفي مستحيل ابقى رقم خمسة عندهم حتى مدمن على حاجات كتير وحشة حديثا السجائر عمري ما حسيت اني مبسوط او حوالين ناس شبهي وحتى اكتر حاجة كانت مخليه عندي امل ولسه صابر اكتشفت انها وهم وانا بتكلم عن الدين طبعا(تختلف او تتفق معايا مش مهم قولي بس ازاي ربنا يعاقبني وانا مقتنع فعلا ان الدين غلط والله حاولت ارجع عشان حياتي كانت حلوة بس ماقدرتش اصدق حاجة انا شايفها كذبة)

لغاية امتي هنفضل كدة وعلي الوضع ده ،العالم بيتقدم واحنا بنتاخر ،الوزراء الي المفروض متعلمين ومثقفين عبط وجهلة وزير البترول طلع مع لميس الحديدي بتساله عن حكم البترول الي عندنا بيقوله بلاش عشان الحسد ،وزير النقل كامل الوزير مش عارف ان الماستر هي الماجستير ولسة بنسال ليه مش بنطلع قدام ،لازما يكون في خطوة نفسي الناس تتعلم وتطالب بحريتها ،شوفت لقاء من فترة لي خالد صالح كان المذيع بيساله عن حل للوضع الي احنا فيه قالك: انت كامواطن مش عارف حقوقك ، "حقوقك"

سلام.

انا البلحة التي قسمت ظهر البعير

جماعة نزلت بوست على صب القاهرة عن التعصب الديني وكنت بتكلم عليه عادي ويوضح هو عامل ازاي وقولت أسبابه البيولوجية قام الموديريتور شال البوست وعاملي بان.

هو صب القاهرة مجتمع صغير للفيسبوك جوا ريديت ولا ايه ايه الهبل دا؟

هو مفيش وسط يأما صب الاسكندريه وناس تخش تشتم في معتقدات الناس ويمنعو الطرف التاني من الرد عليهم ياما صب القاهرة هنتعامل علي اساس المتطرفين اتحسسو يعيني مش فاهمة ايه القرف دا.

خصوصا اني البوست بتاعي مكانش رايي حتي دا انا حطيت تعريف التطرف ووضحته وبعدين أسبابه البيولوجية.