ليه هذه البلد هتفضل بلد تكاتك و ليه المهندس و بتاع تجارة. آخرهم هيقعدوا ع القهوة

زياد حجاج

هو مصارع مصري ساب الفوج المصري و كت منهم و ميعرفوش عنه حاجة بعد الماتش الاخير ليه براه مصر

زياد حجاج مش لوحده

و مش تجربة فردية

الفكرة هنا أن لما واحد متفوق في مجال بيطلع براه هو مش بينافس واحد اجنبي في شغله أو بياخد منه وظيفة هو ببساطة بيخلق صناعة كاملة

لان واحد زي زياد حجاج هيتباع من وراه تيشرتات و اعلام و Action figures و عقود و اعلانات و تسويق و براندات و تذاكر و خدمات و استادات هتتجهز علشان بطولات و كل داه كان هيشغل ناس من اول CEOs في شركات لحد عمال نظافة بتنضف الاستاد بعد ماتش هيتلعب

نفس الكلام الدكتور أو المهندس أو المبرمج لان دولت لو في مثال

زياد حجاج لو بيغذي صناعة واحدة فقط دول بقي بيخدموا علي صناعات تانية

الفكرة بقي أن حتي طريقة المعاملة اغبي حاجة شوفتها

انتا مثلا دلوقتي عندك بيت زي اللي طلع واحد زي زياد حجاج داه

مش تهتم بيه و تعمل بطل تاني و تشوف نجحوا ازاي أنهم طلعوا نموذج تحاول تكرره لا انتا بتروح تحبس الاب بعقود ووصلات أمانة

فانتا مش بس خسرت ترس مهم في اقتصادك انتا خربت أسرة ناجحة

الجزء التاني بقي و داه الأهم هو رسالة الموجهة للشعب من حبت ناس لما تحصل ماتش مهم زي مثلا لما واحدة تكسب بطولة

أو ماتش مهم كورة

الرسالة الاعلي بتكون محاولة من تقليل قيمة اللي بيحصل بدافع ديني زي

بس التفاهة بدل ما يقوم يصلي

أو بص الشرموطة بتعرفي جسمها ازاي

حتي لو كسبتي مش فارقة معايا علشان مش محجبة و غيره كتير مع كل بطلة السوشيال ميديا بتحاول تتكلم عنها

فبتقتل اي اهتمام ممكن الرياضة دي تاخده فتحرك العجلة حتي لو حببة لان ال investor confedence مات ايه اللي يخلي مستثمر يستثمر في حاجة زي دي مفيش ليها قاعدة جماهيرية كبيرة

فيتالي مش هيكسب

فانتا مش بس عندك حكومة بالقتل وحدة بناء المجتمع

انتا عندك شريحة ماسك السياق الأخلاقي البلد و أقنعت شريحة واسعة من الشعب أن النجاة الأخلاقية مش هتيجي غير بالركود

و الوقوف فالمكان

فانتا دلوقتي لو متفوق في مجالك انتا بين نارين الحكومة و البيروقراطية و عدم الاهتمام و الفساد و العقود اللي بتخنقك و عيلتك

وبين شعب مش حتي مش مهتم لا داه مقتنع أن نجاته الروحية في انك تبقي عادي

يا ريت محدش يكتب اسم البرنامج عشان مليان اغاني و شتايم و مش عايزه ذنوب♡

ممكن لو حد عارفهم يكتب كومنت عشان عايزه اجمع ناس عرفاهم نكون صحاب؟

و ممكن متدخلوش لبعض عشان مضمنش ولد يدخل لبنت و كدا عشان برضوا مخظش ذنوب

اعتقد احنا في حرب ثقافية شرسة . اسلاميين ضد كل حاجة واي حاجة (و ضد بعض)

السلفيين بيكفروا الأشاعرة و الأشاعرة بيكفروا السلفيين، و السلفيين بيكفروا بعض (المداخلة و الباطنية و المعرفش ايه)

و طبعا الكل متفق على تكفير العلمانيين

و الفكرة ان كلمة "تكفير" عند الإسلاميين مش معناها انك كخة و مش هتخش معانا الجنة. لا دي فيها استباحة دم و حدود ردة و حوار

انا حاسس ان احنا بنوصل للوضع بتاع سوريا قبل الثورة، اللي هو مجرد ما النظام الحاكم اتلخلخ كل الصراصير طلعت من تحت الأرض!

المستقبل مرعب

ولو حصلت ثورة العسكر ممكن يرجع تاني ؟

دلوقتي بصراحة السوشيال ميديا بقيت مملة جدا وكمان بصراحة لأن استخدامي ليها سيئ فى ناس كتير زيي ولكن فى ناس كتير على الجانب الآخر عندهم اهتمامات واضحة انا عايز ابقى شغوف بكذا حاجه عارف انت الحاجات إلى مهما تكون بتمر بفترة صعبة بتفضل تحبها، الحاجات إلى فعلا بتعملها بشغف. السبب إلى بيخليني مكمل فى تضييع جزء من وقتي على السوشيال هو الفراغ انا بكتب وبقرا باستمرار ولكن دا مش كفاية لسه عندي وقت وانا ملاحظ أن قوتي العقلية والفكرية بتستنزف فى اشياء تافهة انا عايز يكون عندي حياة مليئة جدا حياة فيها حاجات كتير انا عايز امسح السوشيال ميديا ولكن فعلا مش عارف هعمل ايه لذلك عايز امسح السوشيال ميديا وانا فعلا عندي حاجات كتير اعملها ياريت الى يرد عليا يكون حد مر بتجربة زي كدا أو حد يقولي عن اهتمام أو هواية أو شغف بشي معين

طبعا زي ما كلنا عارفين، ريديت والفيسبوك وإكس ومعظم السوشيال ميديا مليانة عنصريين شغالين شتيمة في المهاجرين 24/7، سواء هؤلاء الموجودين في الغرب (واللي هم وبوتاتهم وأحزاب أقصى اليمين بتاعتهم مدعومين من روسيا ومن إيلون ماسك aka الشيخ ابن كيتامين) واللي كل يوم يصحوا الصبح ويتهموا المهاجرين الغلابة اللي عندهم بغزو بلدانهم وتدمير ثقافتهم وبلا بلا بلا… أو أشباههم اللي هنا اللي كل شوية يشتموا المهاجرين واللاجئين ويقولوا لهم يرجعوا بلدهم، وبينتقدوا الخليفة البالح بأمر الله مش لأنه ديكتاتور وفاسد وincompetent وجاب لهم الفقر، بل لأنه متسامح مع المهاجرين واللاجئين (🤡) ومحدش فيهم بيسأل نفسه إيه اللي جابهم بلد خربانة وطاردة لشعبها أصلا شبه مصر، غير أنهم ينجوا بحياتهم حرفيا من حروب وفظائع، وأنهم محتاجين الدعم مش العنصرية وقلة الأدب.

لما كنت بفتح إكس قبل كدا، كنت بشوف الجماعة اللي هنا طالعين بتريند كل شوية عن المهاجرين واللاجئين وبيطالبوا بترحيلهم، وبعدين أبص برا السوشيال ميديا ملاقيش لا مهاجرين ولا لاجئين (علما بأني ساكن في مدينة كبيرة المفروض)، ولا ألاقي حتى اللي بيشتكي منهم… أومال كل اللي على إكس دول إيه؟ بوتات شبه بوتات الشيخ ابن كيتامين؟ معتقدش، مصر مش "White" والمصريين مش شقر عشان هو يخاف على تركيبتهم السكانية 😆

لاحقا، شوفت بوست لواحد أمريكي بيهزأ المهرج الأعظم ترامبولا ومن والاه من المهرجين، وبيقولهم "انتو عايزين ترحلوا المهاجرين وأمريكا أصلا أمة مهاجرين؟ احنا عندنا 50 مليون مهاجر وبدونهم البلد هتنهار أصلا"… روحت فتحت الجدول دا عشان أتأكد من الرقم، وبصيت تحت عشان ألاقي أن مصر سادس أكتر دولة في العالم فيها مهاجرين، بواقع 9.99 مليون مهاجر، وفي إحصائيات أحدث بتقول 10.5 مليون.

طبعا أنا مبقيتش عارف أبدا منين… أبدأ بأن العدد الكبير دا يصعب عليا عشان أكيد اللي انتهى بيه الحال في البلد دي كان ناجي من جحيم على الأرض، ولا بأني أحس أني عايش في مصر تانية غير مصر اللي فيها المهاجرين واللاجئين والعنصريين، ولا بإيه بالظبط…

ثم بعدها صادفت بوست من بوستات الجماعة بتوع الملك فاروق، عمال يعيط كالعادة ويقول أن أيام الملك، مصر كانت "كوزموبوليتانية" ومتعددة الثقافات، ومختلف جنسيات العالم كانت بتيجي تعيش فيها، ومش عارف مين كان بييجي من إيطاليا ومين من أرمينيا ومين من أي حتة (ولا ذكر لبريطانيا، وكأنها لم تحتل مصر)… وأنا قعدت أضحك وأقول: كوزموبوليتانية آه، مين اللي هيقوله أن الأجانب اللي كانوا بييجوا مصر دول كانوا طفشانين من الحروب العالمية والمجازر والأنظمة الشمولية والمشاكل اللي ملهاش آخر اللي كانت في أوروبا آنذاك، وجم هنا بس عشان البلد كانت آمنة نسبيا لهم، مش عشان كانت جنة الله في أرضه زي ما هو متخيل؟ وقت ما الأجانب دول كانوا هنا، المصريين كانوا متكدرين في الغيط والأغلب الأعم منهم كان بيكح تراب، ومسمعش عن الكوزموبوليتانية دي في طبق اليوم… بالظبط زي ما أنا مكنتش أعرف أصلا أن في مهاجرين كتير في مصر لحد ما عرفت من السوشيال ميديا.

الملكيين دول عاملين بالظبط شبه أن كمان 70 أو 80 سنة، الناس تقعد تعيط وتقول: ولا يوم من أيام الملك بلحة، مصر أيامه كانت كوزموبوليتانية، وملايين من المهاجرين كانوا بيجولها من شتى بقاع الأرض، من السودان لحد أوكرانيا 🤣

أنا عارفة أن سيتم إهانتي فشخ بس نفسي في نقاش محترم و ناس فعلًا عندها أسئلة علي الموضوع و عايزة تفهم.. و قبل لما حد يسئل لا مش عايزة ولا ناوية "أحاول أغير ميولي"عشان مش هعيش حياة مزيفة. عمتًا أنا مستعدة أرد علي أي سؤال فبراحتكوا. أنا كمان عندي فضول أفهم رأي و اعتراض الناس أكتر لأن الموضوع شيق جداً بالنسبالي.

المشكلة حصلت وأنا شغال مع أبويا في البيت، وكنا بننزل شكاير من الدور الخامس. الشكاير كانت مليانة تراب، وكل ما أبص لفوق وأنا بنزل الشيكارة التراب كان يدخل في عيني. وكان فيه سلك هدوم بتاع نشير الهدوم تحت الحبل، وأنا نسيت أبص عليه وكنت هقطع السلك، لكن الحمد لله ربنا ستر. أبويا بدأ يشتم فيا، وأنا عديت الموقف رغم إن كان فيه ناس في الشارع، لكن بالنسبة لي أبويا عادي يعمل اللي هو عايزه . أمي شافتنا بنتخانق وسألت أبويا عن السبب، فلما شرح لها اللي حصل أنا دافعت عن نفسي بكل احترام ووضحت وجهة نظري، وقلت إن التراب كان هيدخل في عيني وإن ده سبب إني ما شفتش السلك. فجأة أبويا رمى عليّ "الغلق أو الغلء" أو الوعاء المستخدم في المباني، اللي بيتحط فيه طوب ورمل وزلط وغيره. كان شبه شيكارة من الجلد السميك وتقيل نسبيًا، وأبويا رماه عليا من الدور الخامس على دماغي. وبعدها كمان بدأ يرمي عليّ الزلط بس الحمد لله مجاش. صعبت عليا نفسي اوي لأن كان فيه صحاب اخويا الصغير ولأول مرة في حياتي أخذت حبوب شجاعة، وسيبت الشغل والبيت ومشيت، لكن ما كنتش عارف هروح فين. رحت لاتنين من أصحابي، لكن ما لقيتش أي واحد فيهم في البيت، فقعدت ألف كتير في البلد وأنا مخنوق، خصوصًا إن القرية صغيرة. وبعد كده رحت لواحد منهم مرة تانية ولقيته هناك. أمي اتصلت بصاحبي وحكت له اللي حصل. والمفارقة إنه كان مرّ بنفس الموقف بالضبط السنة اللي فاتت، وساب البلد وقتها وراح يدور على شغل وسكن في بلد تانية. وهو قبل ما يمشي كان عدى عليّ لأنه كان محتاج فلوس للسفر، وأنا دلوقتي نفس النظام ورايح اطلب منه فلوس علشان أسافر لأي بلد وأدور على شغل وسكن. وكنت أصلًا بهزر معاه علطول وبعايره بالموضوع ده بهزر ، وسبحان الله بعد سنة بالضبط حصل معايا نفس الشيء. صاحبي كان عندهم فرح، جاب لي وجبتين لحمة ورز، لأنني ما كنتش أكلت من الصبح. وقعد يتكلم معايا لحد ما هديت، وشربني حاجة ساقعة وقهوة، وحاول يقنعني أرجع البيت لأن أمي كانت عمالة تعيط. وفي النهاية رجعت بعد حوالي 7 ساعات ، وسبحان الله حسيت إنه عمل معايا تقريبًا نفس اللي أنا عملته معاه السنة اللي فاتت، ويمكن أكتر كمان. وأنا فعلًا بحبه زي أخويا، لأنه جدع وربنا رزقني بوجوده. الموقف خلاني أصعب على نفسي جدًا؛ حسيت إني من غير حيلة وعاجز، لدرجة إن ما كانش معايا حتى 50 جنيه أجيب بيهم طبق كشري آكله أو مكان أنام فيه. حاليًا رجعت البيت علشان أمي، وكمان علشان أنا بالفعل بعيد ثالثة ثانوي للمرة الثانية بسبب ظروف صحية، ومش عايز أخرج أشتغل وأدور على شغل وسكن وأعيد ثالثة ثانوي مرة تانية، لأن الموضوع مؤذي نفسيًا جدًا. وفي النهاية، الواحد لازم يكون له حياة واستقلال بعيد عن أهله ولازم يكون له داخل خاص بيه هو بعيدا عن الدراسه، بحيث لو حصل موقف مشابه ما يلاقيش نفسه في الشارع تايه ومش عارف يروح فين أو يعمل إيه. وربنا ما يكتبها على حد. وده درس جديد الا وهو انك اوعي تعتمد علي حد غير ربنا حتي لو كان ابوك وامك

للعلم رجعت البيت وابويا ما كلمنيش وياريت محدش يجيب سيره ابويا بحاجه وحشه لانه مهما كان انا مش هطيق اسمع عليه كلمه وحشه لانه في الاول والاخر ابويا

انا البلحة التي قسمت ظهر البعير

للسياق بشكل ملخص الست بتتكلم عن تريند بيتكلم عن شباب من فنون جميلة رسموا جداريات في التحرير بطابع مصري قديم وكان فيه رسومات ملامحها جنوب أفريقية ف الناس هاجمتهم بحجة أن ده دعم للأفروسنتريك.

أنا مش فاهم أيه الي أكتشفه و مستغربه أوي كده أن العيال بتسيب المُدرس الي بيضربهم و يهينهم و بيروحوا عند المُدرسين الي بيشجعوهم و بيحترموهم ولا أنهم مش شايفين أن "تقصيرهم" ده عذر يخلي المُدرس يهزقهم أو يضربهم ؟

و بيقول "ضربته" عادي بعدها بيقول بسبب تقصيره علي أساس أن عيل جاب درجة وحشه أو حل الواجب غلط ده يديله الحق أنه يضربه . هو مش كل فشل أكاديمي ناتج عن الكسل أو التقصير أصلآ فيه أسباب كتيرة تانية ذي فروقات التعلم بين الأفراد ، الظروف الحياتية و الصحية أو أن طريقة الشرح مش مناسبة هو ده سبب فشل هذا الأسلوب و كونه كان السائد في مصر خلي التعليم في البلد كله يفشل . أساسآ ولي الأمر هو الي شغلته يحاسب علي التقصير الدراسي لو كان نابع من الكسل المدرس بيبلغه بس

و المشكلة أنه في ولا لحظة فكر أن المشكلة ممكن تكون فيه هو لا ده جاب الغلط علي العيال الي ضربهم و هزقهم لحد ما طفشهم من الدرس خالص و علي المُدرسين الي بيروحوا لهم و بيستخف بيهم لانهم بيوزعوا هداية و لعب أطفال ديه مستويات غريبة جدآ من الانفصال عن الواقع. بدون ما أصدم حضرتك يا فندم بس حضرتك مُدرس جغرافيا إبتدائي و إعدادي الطلبة الي عند حضرتك أطفال و المُدرسين التانيين بيتعاملوا معاهم بأسلوب مناسب لسنهم أنت الغلط مش هما.

ختامآ أحب أظهر إمتناني لأولياء الأمور الي بيحطوا السلامة النفسية و الجسدية لأطفالهم فوق كل حاجة و مبيسمحوش للأشخاص دول أنهم يأذوهم بحجة التعليم .

Planning to visit in November and keep seeing JAZ Makadina and SUNRISE Royal Makadi Resort recommended. Has anyone stayed at either? Which would you choose mainly for snorkeling? Other hotel suggestions are welcome too!

اي حد عشريني او تلاتيني يدني نصيحه في الحياه او حاجه لو عملتها هتفرق معايا قدام انا عندي خمستاشر سنه نزل شغل مع ابويا في الاجازه بحب الجيمنج و البرمجه و بلعب شطرنج و شاطر في الكهرباء و كده بس مش بلعب رياضة او بروح جيم

كراهية المثلية الجنسية بتعتمد علي مدي تدين المجتمع بغض النظر عن دينه اصلا ,اسرائيل برا تل ابيب عبارة عن مجتمع متدين محافظ و المثلية مازالت غير مقبولة ,هما بس فى تل ابيب عامليين ظيطة عشان قدام العالم الاول يبانوا احنا ممتحضريين اهو و بندعمهم

فى امريكا (ايوا امريكا ) مازال فى مجتمعات مسيحية كتير جدا بيكرهوا المثلية و بيتخلوا عن اطفالهم لو طلعوا مثليين ,اكيد مش بيمارسوا العنف ضدهم (فى اغلب الحالات يعني) ولكن ببساطة بيكونو منبوذيين مجتمعيا من اسرهم و من الكنيسة ,

ده بالنسبة لامريكا الى هى بالمناسبة مجتمع بروتوستانتي متفتح وقابل للاصلاحات و التغيير مابالك بالمجمعات الامريكية اللاتينية الى هى مجتمعات كاثوليكية متدينة و فى كتير من فترات تاريخية وصلوا لمراحل عالية من التطرف الديني (محاكم التفتيش ,ابادة المسلميين و اليهود,قمع العلماء و المفكريين)

بالنسبة للعالم الاسلامي ف انا مدرك ان المثليين بيواجهوا صعوبات اضخم من الدول المسيحية ولكن فى نفس الوقت فى دولة مسلمة كتير بتضمن و بتحمي حقوق المثليين و اغلبها بتكون مجتمعات علمانية ,زى البانيا و كازاخستان و اذربيجان و تركمانستان و اوزباكستان و كوسوفو و البوسنة و تركيا ,وكتير من الافراد و المجتمعات جوا العالم الاسلامي مش بيمارسو العنف ولا التمييز ضد المثليين اطلاقا حتى لو كانت الدولة نفسها بتعمل كدا بعض الافراد متسامح و متقبل جدا

المجتمع المسيحي المصري مازال متدين جدا و رافض لكل مظاهر المثلية الجنسية ,مش عشان هما فى وسط اغلبية مسلمة ولكن بسبب ان مش كل المجتمعات اتعرضت لمحاولات علمنة قصرية تجبرهم يطلعوا الدين من المسائل الحساسة خارج نطاق حياتهم ,انا حرفيا لقيت قبل كدا صفحة قبطية علي فيسبوك بيعلنوا 3 اعداء للمسيحية ,السلفية (مش المسلميين عموما ولكن السلفية الجهادية بالتحديد) و المثلية الجنسية و الشيوعية

خلينا نتكلم شوية عن موضوع العلمانية ,العلمانية مش معناها ان المجتمع ملحد ولكن معناها ان المجتمع محايد دينيا فى الامور الى متخصهوش ,انت ك مسلم او مسيحي او يهودي مش عايز تبقي مثلي الجنس عشان دينك بيقول ان ده حرام ف المجتمع العلماني هيتقبل ده جدا عادي لان ده حرية فردية بعض النظر مصدر القرار منين ولكن انك تحاول تفرض تعاليم دينك علي شخص تاني وتعدتي عليه لمجرد انه مثلي الجنس ف ده الى العلمانية بتحاربه ,انت ليك الحق تطبق تعاليم دينك علي نفسك ولكن ملكش الحق تفرضها علي حد تاني

العلمانية رسميا هى حياد الدولة دينيا بحيث ان الدولة متعترفش باي ديانة ولا تعادي اى ديانة و متعترفش باي نظام ايمان او انكار للايمان الى هو الالحاد ,ايوا الدولة العلمانية محايدة عقائديا بمعني اصح يعني مبتعترفش حتى بالالحاد اصلا ,كل فرد ملحد ليه تفسيره و وجهة نظره عن ايه هو الالحاد ولكن الدول الملحدة زى الصين والاتحاد السوفييتي و دول شيوعية تانية حطوا تعريف واضح للالحاد و هو رفض الغيبيات و رفض الايمان بوجود حياة روحانية او حياة عليا خارج الواقع الفيزيائي الى احنا موجوديين فيه

لما اقول "مجتمع مسيحي علماني"(زى الغرب مثلا) او "مجتمع مسلم علماني"(زى وسط اسيا و البلقان و تركيا و بعض الدوائر المجتمعية فى الوطن العربي) او "مجتمع يهودي علماني" (اليهود فى الغرب و المدن الرئيسية فى اسرائيل) بلاقي ناس بتستغرب من الموضوع ,ايوا فى مجتمع ممكن يكون بيتبع اى ديانة ولكنه مجتمع علماني فى نفس الوقت ,زى ما شرحت العلمانية ليست الحاد ولكن ان المجتمع ميفرضش الدين بغشومية وميمارسش العنف ضد اى حد بناءا علي اسس دينية ,الدين يتم تطبيقه بشكل شخصي فقط

​

انا 22 سنة وبفكر اعمل تقويم، سناني مش ملخبطة اوي لكن الدكتور بيقولي هتسببلك مشاكل قدام لو معملتش وهتراكم جير وبتاع، انا الحقيقة متردد عشان مش متقبل فكرة اني لازم اخلع ضروس دي يعني الواحد بيلاقي سنانه فين

ف هل الموضوع يستحق ف السن دة، ولا خلاص كدة متاخر، ولو اعمل ف ايه افضل الانواع واسرعهم يعني حتى لو التكلفة عالية

دلوقت اتا طالع ديك اهلي امراض نفسية وجسدية الفترة دي عشان مش ماشي علي عادتهم وكلامهم واعمل اللي هما عاوزينه زي الحمار عاوزين يضربني ويأدبووني زي ما بيقولو انا قاعد ف اوضتي بروح المحل وارجع المغرب اوضتي برضو بيتلككو عشان يخلو ابويا يضربني سواء امي او عمتي وابويا بيسدق وعلي كيفه يضربني عاوز اغور من البيت دا اقسم بالله ممكن اق**ل حد او حتي أذي نفسي انا بكتب وانا بترعش من اللي كنت هعمله اقسم بالله اي القرف دا

لغاية امتي هنفضل كدة وعلي الوضع ده ،العالم بيتقدم واحنا بنتاخر ،الوزراء الي المفروض متعلمين ومثقفين عبط وجهلة وزير البترول طلع مع لميس الحديدي بتساله عن حكم البترول الي عندنا بيقوله بلاش عشان الحسد ،وزير النقل كامل الوزير مش عارف ان الماستر هي الماجستير ولسة بنسال ليه مش بنطلع قدام ،لازما يكون في خطوة نفسي الناس تتعلم وتطالب بحريتها ،شوفت لقاء من فترة لي خالد صالح كان المذيع بيساله عن حل للوضع الي احنا فيه قالك: انت كامواطن مش عارف حقوقك ، "حقوقك"

سلام.

هاي يا جماعة، انا دلوقتي في كلية هندسية و بقالي فترة فكرة الجيش مخوفاني و قلقاني جدا لعدة اسباب . اول سبب ان انا كنت عايز اسافر برا و بحاول حاليا اشتغل علي نفسي و بجمع فلوس علي قد ما اقدر عشان اعرف اسافر بس و أهلي حالتهم الماديه متساعدنيش اني اسافر حتي و اشوف فرص شغل برا او اعمل ماجستير او اكمل جامعة و ابقي ادفع غرامة فالاوبشن ده صعب جدا عليا ، لأنه مش مبلغ بسيط اني ابقي بحاول يبقي عندي gpa عالي في الجامعة، اتعلم لغة و اتعلم مهارات شغل صعب و في نفس الوقت اشتغل عشان اجمع مبالغ تسفرني ، تاني مشكله ان انا صحتي النفسيه وحشه جدا و حاجات كتير لو انا مش بشعر براحه ببقي في حالة مزاجيه قاسيه اوي عليا و دايما في اي موقف بتحط في حاجه ببقي عايز انتحر و انا نجيت من الانتحار مرتين الحمد لله بس الفكره اني مثلا لو حد كلمني بطريقة مش كويسه انا بجد هش نفسيا و لو اطلب مني اعمل حاجات بتخليني ابقي متوسخ عرقان مبهدل الحاجات دي بتتعبني نفسيا جدا و انا في حياتي بحاول اتجنبها و بحاول ابني لنفسي معيشه واحده واحده تبعدني عن الحاجات دي و تخليني اعيش في سلام نفسي . اخر حاجه انا بسمع انها سنه بس مش عارف ليه كل ما اكلم في الموضوع ده مع ناس صحابي يقولولي لا المؤهل العالي ظابط احتياط تلت سنين باين او سنتين مش عارف ، أنا لو ضيعت سنتين من عمري او تلاته كمان بدل سنه من غير ما اكمل في اللي بتعلمه كويس و بقوه هبقي ضعيف اوي مهنيا و هضيع وقت من عمري و خايف حتي نفسيته تضعف ، عمتا مش عارف انا كنت جاي اسأل بس حاسس اني اتكلمت كتير اوي . يا ريت اسمع لو فيه حلول تانيه او آراء و لا اهلي معندهمش واسطه و غالبا معنديش حجه مرضيه عمتا ماشي.

​

مقدمه او تعريف عن نفسي: انا مصري عشت في مصر من من ساعت ما تولدت لحد ما عمري بقي ٩ سنين

و بعدها سفرنا السعودية و عشت هناك ٩ سنين لحد ما بقيت ١٨ سنه و رجعت مصر عشان الجامعه

عمر: ١٨

كليه طب عين شمس

(كل الي هقوله حقيقه و مفهاش اي حاجه خيال او زياده بهرات)

انا جيت مصر تاني بعد ما عشت في السعوديه ٩ سنين من عمري و كانو احلي ٩ سنين بصراحه

كنت عايش في تبوك تحديدا مفهاش حجات كتير نعملها بس لطيفة و بحبها اكتر من القاهرة الي انا عايش فيها حاليا

اهلي طبعا عايشين في السعوديه انا نازل لوحدي الجامعه

عايش لوحدي في الشقه الي احنا كنا عايشين فيها قبل ما نسافر

طبعا انا داخل طب متحمس زي اي حد داخل و متحمس و حلم الامتياز بقي و كده

طبعا العيشه لوحدي مكنتش سهله في البدايه كنت بطلب اكل من بره معظم الوقت بس مكنتش باكل كتير بردو لدرجه اني خسيت ٦ كيلو في الست الشهور الي عشتها في مصر لحد الان موضوع الاكل كان رخم و مأثر علي للرياض بتاعي(سباحه) كنت متعود علطول ارجع من التمرين اكل معين امي بتعملهولي كتر خيرها

بس طبعا جسمي شكله مش زي زمان حاليا بسبب قله الاكل و التقطيع في التمرين

اما الدراسة في اقدر اقول بكل ثقه ده اسوء اداء دراسي قدمته في حياتي كلها

الترم الاول اه كنت بذاكر بس تقديري كان وحش جدا مع اني كنت بذاكر في الترم الاول ٦-١٠ سعات صافي في اليوم

الترم التاني بقي ما شاء محدش يحسد مكنتش بفتح كتاب من أصله حرفيا حتي قبل الامتحان(ال midterm وال عملي) مكنتش بذاكر ولا بهتم . اكيد في الفاينل كنت بذاكر بس طبعا المذاكرة ملهاش اي لزمه وقت قصير و منهج كبير طبعا متلمش و مش فاكر في اي حاجه نتج عن ذالك اني شلت موديلين و قاعد بذاكرهم دلوقتي

Locomotor module

و

Infection module

كانت مهزله والله

من بقي نحيه حياتي في الشقه الوحدي بقيت معفن شويه بصراحه الزباله في كل حته و مكنتش بستحمي كل فين و فين

طبعا كنت بكسل انظف ف كنت بجيب مرات البواب هي الي تنظف

مكنتش بحس اني مشتاق لاهلي مش عارف ليه و كنت بضايق من مكلمتهم المتكررة ليا في اليوم مع اني كنت متصاحب معهم و قريب منهم اوي و احنا عايشين مع بعض

و بردو حكايه الارتباط كان نفسي ارتبط جدا بس كل ما افكر في الموضوع افكر نفسي اني الي محتاجه مش ارتباط انا محتاج ارجع نفسي زي ما كنت و اركز علي نفسي

و انا كنت محوش مبلغ كبير خاص بيا بس من كتر غبائي سعتها و تخلفي عملت حاجه ضيعت المبلغ ده و هو مبلغ كبير مش صغير انا زعلان و ندمان اكيد بس مش متأثر جامد بالموضوع و بقول لنفس انا لسه ١٨ مش نهاية الدنيا لو مبلغ زي ده ضاع هجيب غيرو تاني بس الي انا عملتو غلط و كان لازم افكر قبل ما أخذ خطوة غبيه زي دي

جبت قطه بردو من الشارع و دخلتها الشقه و طعمتها و زبطتها و ربيتها سمتها لونا بس ماما جت من السعودية تقعد معايا و احنا في الفاينل بتاع الترم التاني عشان كده اطريت ادي القطه لطليقه خالي و القطه من عندها هربت .ماما بتترعب من القطط.

طبعا حاليا انا رجعت السعودية تاني عشان احنا في الاجازه و قاعد بذاكر المواد الي شلتها و همتحنهم قريب ان شاء الله

و اه بردو عملت بوست عن ال e-reader الي انا جبته جبت واحد من شركه kobo انا غاوي رويات و قراءه و كده

ده احلي حاجه جبتها او عملتها السنه دي

هبقي انزل تاني لو افتكرت حاجه اقولها

اقدر اقول بكل ثقه دي 2026 اسوء سنه في حياتي بسبب القررات الغبيه الي انا عملتها + و الدراسة وحشه جدا + و حياه زي الزفت

بس ان شاء الله احسن في السنه الجايه لما اطلع تانيه

(تعديل: انا رجعت مصر تاني اخر امتحان ليا يوم الخميس)

جماعة نزلت بوست على صب القاهرة عن التعصب الديني وكنت بتكلم عليه عادي ويوضح هو عامل ازاي وقولت أسبابه البيولوجية قام الموديريتور شال البوست وعاملي بان.

هو صب القاهرة مجتمع صغير للفيسبوك جوا ريديت ولا ايه ايه الهبل دا؟

هو مفيش وسط يأما صب الاسكندريه وناس تخش تشتم في معتقدات الناس ويمنعو الطرف التاني من الرد عليهم ياما صب القاهرة هنتعامل علي اساس المتطرفين اتحسسو يعيني مش فاهمة ايه القرف دا.

خصوصا اني البوست بتاعي مكانش رايي حتي دا انا حطيت تعريف التطرف ووضحته وبعدين أسبابه البيولوجية.

عاوز اعرف لو حد عنده تجربة في استيراد دريلات بتاعت دكاترة العظام ايه دنيتها في الجمارك

مبدئيا كده انا مش عارف انتم ليه بتكرهون المثليين بكراهية شديدة للدرجة دي

انا شايفكم عرب بيكرهون مجتمع الميم واهو قلتها بشكل جريء

قربت اتخرج اخد كورسات و تدريبات في ايه بظبط عشان يجبلي اكبر عائد و يكون مجال مطلوب في اللمانيا

دلوقتي هعيد السنة ولكن سمعت اني هعيد فى المواد الى انا سقطت فيها بس وانا مش عايز ده عشان حتى المواد الى نجحت فيها زى الفيزياء والاحياء جايب فيها درجات تجيب العار ,غير انى لو عدت المواد الى سقطت فيها فقط مش هجيب الا 61% الى هى درجة عار خالص ,انا عايز اعيد السنة كلها ازاى اعمل كدا؟ ,اكيد طبعا هتطرد من البيت ف لو عايز اخلص الورق بنفسي ايه الورق الى انا محتاجه وايه الى لازم اعمله ؟